„ერთად ბოლოჯერ“ - Ferrari სებასტიან ფეტელს ემშვიდობება
ფეტელის გულშემატკივრების ტანჯვის დასრულებამდე ერთი რბოლა დარჩა.
6-წლიანი თანამშრომლობა „ფერარისა“ და სებასტიან ფეტელს შორის დასასრულს მიუახლოვდა. გუნდმა 4-გზის მსოფლიო ჩემპიონს კონტაქტი არ გაუხანგრძლივა. ის კარლოს საინსით ჩაანაცვლეს. ბოლო რბოლას „ფერარი“ სოციალურ ქსელში გამოეხმაურა.
One last time together ???????? ❤️#essereFerrari ???? #GrazieSeb pic.twitter.com/MknFDnK2U3
— Scuderia Ferrari (@ScuderiaFerrari) December 7, 2020
„ერთად ბოლოჯერ“. ასე გამოეხმაურა გუნდი ბოლო ერთობლივ რბოლას. სებასტიან ფეტელის და საჯინიბოს თანამშრომლობას წარმატებულს ნამდვილად ვერ ვუწოდებთ.
„ფერარიმ“ ჩემპიონს კონკურენტუნარიანი ბოლიდი ვერ შესთავაზა. მისი ასპარეზობა ხშირი მოცურებებით უფრო იყო დასამახსოვრებელი, ვიდრე გამარჯვებებით. თუმცა, რამდენიმე სასიამოვნო მომენტი მაინც გვახსენდება.
ფეტელმა 2015 წელს გუნდში მისი მეორე რბოლა, მალაზიის გრან პრი მოიგო. რამდენიმე სეზონის განმავლობაში ეს გუნდის პირველი გამარჯვება იყო.
Looking back at #Seb5’s wins with us ❤️
— Scuderia Ferrari (@ScuderiaFerrari) December 7, 2020
How can we forget the first?! Those scenes ????
The 2015 #MalaysianGP will always hold a special place in our hearts ????#essereFerrari ???? #GrazieSeb pic.twitter.com/NrTLteIi3Y
ფეტელის ჩაფხუტი კი „ფერარისთვის“ სიმბოლო გახდა. ჩაფხუტის უბრალო და დახვეწილი დიზაინი გუნდის სინონიმადი იქცა და ყველა რბოლისას ადვილი ამოსაცნობი იყო.
სებასტიან ფეტელის ოცნება, რომ მისი კუმირის, მიხაელ შუმახერის წარმატება გაემეორებინა, მხოლოდ ოცნება დარჩა. ერთ დროს ფეტელი შუმახერის რეკორდის მოხსნის მთავარ კანდიდატად განიხილებოდა.
????????⚫️
— Scuderia Ferrari (@ScuderiaFerrari) December 7, 2020
One of the most iconic helmets in #F1 history? ????#essereFerrari ???? @MissionWinnow pic.twitter.com/LgQLxNPlXE
„ფერარის“ ბოლიდი დომინანტი „მერსედესის“ წინააღმდეგ ვერაფერს გახდა. გერმანელისთვის მდგომარეობა გაუარესდა, როცა გუნდში შარლ ლეკლერი მოვიდა. აშკარა გახდა, რომ გუნდისთვის ფეტელი ნომერი 1 პილოტი აღარ იყო.
მიუხედავად ყველა იმ შურაცხყოფისა, რაც „ფერარიმ“ 4-გზის მსოფლიო ჩემპიონს მიაყენა, ფეტელი კრიტიკული განცხადებებისგან თავს იკავებს. სიმართლე რომ ვთქვათ, გულშემატკივრების დიდ ნაწილს გერმანელის „ფერარიდან“ წასვლაზე გული არ წყდება. ყველა დარწმუნებულია, რომ მომავალ წელს „ასტონ მარტინის“ გუნდში ფეტელს უკეთესი შედეგები ექნება. Racing Point-ის წლევანდელი შედეგები იმედისმომცემია. იმედია, გერმანელს ჩემპიონობისთვის ბრძოლაში ჩართულს ისევ ვიხილავთ.