Porsche Taycan-მა Porsche Macan-ი კედელს შეაჯახა
ძვირადღირებული ავარია.
სოციალურ ქსელებში ესპანეთში გადაღებული ფოტოები და ვიდეოები გავრცელდა, რომლებშიც ორი Porsche-ს ავარიაა ასახული. დამტვრეულია Porsche Taycan 4S Cross Turismo და Porsche Macan-ი.
ამ დრომდე უცნობია, რამ გამოიწვია ავარია, მაგრამ Periodismo del Motor-ის თანახმად, კროსოვერი ქუჩაში გაჩერებული იყო და ავტომობილში არავინ იჯდა.
???????? Ha ocurrido esta mañana en #AlcalaDeHenares y han intervenido #BomberosCM del #Parque23 de #ArgandadelRey.
— 112 Comunidad de Madrid (@112cmadrid) August 20, 2022
???????? Sólo ha habido una conductora atendida por una crisis de ansiedad y trasladada al Hospital por el #SUMMA112. pic.twitter.com/PPL7ho2XXU
Taycan-ს ალკალა დე ენარესის ქუჩებში, მადრიდის შემოგარენში, 45 წლის ქალი მართავდა. ის Macan-ს გვერდიდან შეეჯახა, თავის მანქანაზე ააგდო და ორივე Porsche აგურის კედელს შეაჯახა.
საბედნიეროდ, მძღოლს სიცოცხლისთვის საშიში დაზიანებები არ მიუღია, მაგრამ, პანიკის შეტევის გამო, საავადმყოფოში გადაიყვანეს. ეს საკმაოდ საშიში ავარია იყო და შემთხვევის ადგილზე სამი სახანძრო ეკიპაჟის და ამწეს დახმარება გახდა საჭირო. Macan-ის ჩამოღება Taycan-ის სახურავიდან მარტივი არ იყო.
???????? Los #BomberosCM han asegurado el vehículo que estaba en la parte superior gracias a la grúa de uno de sus camiones y luego han retirado el vehículo de abajo.
— 112 Comunidad de Madrid (@112cmadrid) August 20, 2022
???????? Una maniobra que exigía mucha destreza y manejo de los pesos de ambos turismos. pic.twitter.com/pe57Wz6QuM
გარდა საშიშისა, ეს საკმაოდ ძვირადღირებული ავარიაცაა. Taycan 4S Cross Turismo-ს ფასი $131,600-დან იწყება, Macan-ის - $60,800-დან. ეს შემთხვევა სადაზღვევოსთვის ნამდვილი კოშმარია.
