უცნაური ამერიკელის გახსენება

ეს ის ავტომობილია, რომელსაც ყოველდღე ვერ შეხვდებით. უფრო მეტიც, ავტომოყვარულების უმეტესობას ის არც კი გაუგია. Zimmer Quicksilver-ი ამერიკას წარმოადგენს და თავის სამშობლოშიც კი რთულად მიღწევადი ავტომობილია.

Quicksilver-ი 1986 წელს გამოვიდა და იგი ცენტრალურძრავიანი Pontiac Fiero-ს ბაზაზე იყო აწყობილი. ეს ბაზა სიგრძეში საგრძნობლად გაზარდეს. ავტომობილის დანიშნულება 2-ადგილიანი პერსონალური ლიმუზინი იყო და მას ცენრალურძრავიანი ავტომობილისთვის არადამახასიათებლი აგებულება ჰქონდა. მასში ნატურალური ტყავი, ქრომირებული დეტალები და სხვა უამრავი მსგავსი რამ უხვად იყო გამოყენებული.

Zimmer quicksilver-ი 2.8-ლიტრიანი 6-ცილინდრიანი ძრავით იყო აღჭურვილი, რომელსაც ძველი 3-სიჩქარიანი ავტომატური გადაცემათა კოლოფი ჰქონდა მიერთებული. აღნიშნული ძრავა 170 ცხენის ძალას გამოიმუშავებდა. უნდა აღინიშნოს, რომ ამ გაბარიტების და ძალის მქონე ავტომობილისთვის, თანაც 80-იან წლებში დინამიკის საკმაოდ კარგი მაჩვენებლები ჰქონდა, 100-მდე 10 წამში ჩქარდებოდა.

ეს უცნაური ავტომობილი საბოლოოდ ძალიან კომფორტული და მიმზიდველი გამოვიდა, მისი არასტანდარტული Pop up მაშუქების ყურება ერთი დიდი სიამოვნება იყო. სამწუხაროდ, წარმოების პერიოდში კომპანიას დიდი ფინანსური პრობლემები შეექმნა, რამაც Quicksilver-ის სიცოცხლე დაასრულა. 2 წლის განმავლობაში მხოლოდ 170 ერთეული აიწყო და მათი საბაზრო ღირებულება 52 000 დოლარამდე იყო, 80-იან წლებში კი ეს თანხა რთულად ხელმისაწვდომი იყო.