თოვლის გამო საქართველოს გარკვეულ ტერიტორიებზე გადაადგილება იზღუდება
თოვისა და გარკვეულ ტერიტორიებზე მოსალოდნელი ლიპყინულის გამო, საქართველოს ნაწილში მოძრაობაზე შეზღუდვები იმოქმედებს. კერძოდ, თოვლის და ლიპყინულის გამო, ფშაველი–აბანო–ომალოს საავტომობილო გზის კმ22-კმ72 მონაკვეთზე, დროებით ყველა სახის ავტოტრანსპორტის მოძრაობა შეიზღუდება. ხოლო საავტომობილო გზის კმ1-კმ21 მონაკვეთზე ავტოტრანსპორტის მოძრაობა თავისუფალია.
გარდა ამისა, თოვის გამო გადაადგილებაზე შეზღუდვები დაწესდება ჟინვალი-ბარისახო-შატილის საავტომობილო გზის კმ67-კმ84 (ხახმატი-ლებაისკარი) მონაკვეთზე. ხოლო, კმ52-კმ66 (კორშა-ხახმატი) და კმ85-კმ106 (ლებაისკარი-შატილი) მონაკვეთებზე, დასაშვებია მხოლოდ მაღალი გამავლობის (ორი და მეტი წამყვანი ხიდის მქონე) ავტოტრანსპორტის მოძრაობა, დანარჩენი სახის ავტოტრანსპორტის გადაადგილება აკრძალულია.
მოძრაობა თავისუფალი იქნება ჟინვალი-კორშას, საავტომობილო გზის კმ1-კმ51 მონაკვეთზე.
