რომელია მსოფლიოში ყველაზე გრძელი სწორი გზა და რატომ არის ის ძალიან სახიფათო

მსოფლიოში ყველაზე გრძელი სრულიად სწორი გზა 240 კილომეტრზეა გადჭიმული, თუმცა, ერთი შეხედვით მარტივი და უსაფრთხო მონაკვეთი სინამდვილეში მძღოლებისთვის დიდ საფრთხეებს შეიცავს.

ასევე იხილეთ: მსოფლიოში ყველაზე საშიში გზები, რომელზეც არ უნდა გაიაროთ!

საუბარია Highway 10-ის იმ მონაკვეთზე, რომელიც ჰარადას რეგიონს ელ-ბათასთან (არაბთა გაერთიანებული საამიროების საზღვართან) აკავშირებს და რუბ-ელ-ხალის უდაბნოს კვეთს. გინესის რეკორდების წიგნის მიერ აღიარებულ ამ გზას არ გააჩნია არცერთი მოსახვევი (არც მარცხნივ, არც მარჯვნივ) და არც შესამჩნევი აღმართი თუ დაღმართი. ამ 240-კილომეტრიანი მონაკვეთის დაფარვას დაახლოებით ორი საათი სჭირდება.

ერთი შეხედვით, იდეალურად სწორ გზაზე მოძრაობა უმარტივესი უნდა იყოს, თუმცა სამოქალაქო ინჟინრები და უსაფრთხოების ექსპერტები სრულიად საპირისპიროს ამტკიცებენ.

As a civil engineer, this is the most dangerous road you can drive on. https://t.co/tcZ1cUzxyx

— Soufiane. L???? ???? (@SFNloubnan) February 22, 2026

რატომ არის სწორი გზა უფრო სახიფათო?

X-ზე ერთ-ერთმა სამოქალაქო ინჟინერმა განაცხადა, რომ ეს არის „ყველაზე სახიფათო გზა, სადაც კი შეიძლება იმგზავროთ“. ექსპერტები და კვლევები ამის რამდენიმე მთავარ მიზეზს ასახელებენ:

1. „მაგისტრალის ჰიპნოზი“ და დაღლილობა: ორი საათის განმავლობაში აბსოლუტურად ერთფეროვან გარემოში მოძრაობა — სადაც არც მოსახვევია, არც ხეები და არც ლანდშაფტი იცვლება — მძღოლის ტვინს ადუნებს. საჭის შემოსაბრუნებლად ან პედალზე ფეხის შესაცვლელად რეაქციების არარსებობა იწვევს ყურადღების მოდუნებას ან ჩაძინებას.

2. სიჩქარის აღქმის დაკარგვა: გარშემო ორიენტირებისა და მოძრავი ობიექტების არარსებობის გამო, მძღოლები ვერ ხვდებიან, რამხელა სიჩქარით გადაადგილდებიან. ბევრი მძღოლი აღნიშნავს, რომ 160 კმ/სთ სიჩქარით მოძრაობისასაც კი ისეთი შეგრძნებაა, თითქოს ავტომობილი 100 კმ/სთ-ით მიდის.

3. სტატისტიკა: ნორვეგიის ტრანსპორტის ეკონომიკის ინსტიტუტის კვლევამ აჩვენა, რომ სწორ გზებზე გადაჭარბებული სიჩქარით გამოწვეული ავარიების რიცხვი გაცილებით მაღალია. მოსახვევებიან გზებზე მძღოლები მეტად კონცენტრირებულები არიან და სიჩქარესაც აკონტროლებენ, მაშინ როცა იდეალურად სწორ მონაკვეთებზე ყურადღება მომენტალურად იფანტება.

თავდაპირველად მეფე ფაჰდისთვის აშენებული ეს კერძო გზა დღეს უმნიშვნელოვანესი სატრანსპორტო არტერიაა, თუმცა მასზე გადაადგილებისას ექსპერტები მძღოლებს ურჩევენ, გამოიჩინონ მაქსიმალური სიფხიზლე, ხშირად შეისვენონ და აკონტროლონ სპიდომეტრი.