Nissan-ის ახალ Z მოდელს 400Z ერქმევა და V6 ძრავა ექნება

Nissan 370Z-ის შთამომავალი, რომელსაც უკვე დიდი ხანია ველოდით, ჰორიზონტზე გამოჩნდა.  

ახალი 400Z „ტვინ-ტურბო“ V6 ძრავით იქნება, რომელიც წინაპრის მონაცემებს გააუმჯობესებს.

370Z ბაზარზე 2009 წლის შემდეგ სულ მცირე განახლებებითაა და უკვე დიდი ხანია ხმები დადის, რომ ცვლილებების დრო მოვიდა.

Nissan-მა კანადაში განახლებული Z მოდელები უკვე წარმოადგინა. მათ რეტრო სტილი შენარჩუნებული აქვს.  

1969 NIissan 240Z  

ამერიკის ბაზარი, რომელიც იაპონური ავტომწარმოებლის ყველაზე დიდი დასაყრდენია, განახლებულ პროდუქციას ითხოვდა. NIissan-ი თავის ფესვებს დაუბრუნდა და 240-Z-ისგან მანქანის წინა ნაწილი, 300 ZX-ისგან კი უკანა მაშუქები აიღო.

მნიშნელოვანი განახლებები 400 Z-ის ინტერიერსაც აქვს. ის 370 Z-ისას სჯობს, რომელიც ხშირად მოძველებული დიზაინის გამო კრიტიკას იმსახურებდა. „ანტიკვარული“ სენსორული ეკრანი თანამედროვე საინფორმაციო-გასართობი სისტემით შეიცვლება. ციფრული მონაცემთა პანელიც მოსალოდნელია. მანქანას მძღოლის დამხმარე ფუნქციებიც დაემატება.

1989 Nissan 300ZX

დეტალები ჯერ ცნობილი არაა, თუმცა 400Z, ალბათ, მონათესავე Infiniti Q50-სა და Q60-ის უკანა წამყვან კონფიგურაციას ისესხებს. 

400Z ასევე Infiniti-ს აგრეგატს გამოიყენებს. სავარაუდოდ, ეს 3.0-ლიტრიანი „ტვინ-ტურბო“ V6 ძრავა იქნება.

ალუმინის ძრავა VR ოჯახის ნაწილია, რომელიც ასევე უფრო დიდ 3.8-ლიტრიან Nissan GT-R-ის ძრავას მოიცავს.

Q60-ს 400 ცხენის ძალა აქვს და 4x4 სისტემითაა. 4-ადგილიანი კუპე 0-100კმ/სთ-მდე 5.0 წამში ჩქარდება. 400Z-ისგან უფრო მეტი სიჩქარეა მოსალოდნელი. მისი მასა ნაკლებია, ვიდრე 1825კგ-იანი Infiniti-ს.

Nissan 370Z

Nissan-მა ექსპერიმენტი 370-ზე უკვე ჩაატარა. მას მექანიკური გადაცემათა კოლოფი დაუყენა და SEMA-ს 2018 წლის ავტოშოუზე წარადგინა. ახალი Z მოდელი, რომელიც პაპარაცებმა შენიშნეს, სტილით 370Z-ს ძალიან ჰგავდა.  

370 Z გულშემატკივრებისთვის „ძველი სკოლაა“ და მანქანის ენთუზიასტების აღფრთოვანებას იწვევს. სავარაუდოდ, ახალი 400 Z მექანიკური გადაცემათა კოლოფითაც იქნება წარმოდგენილი. მის კონკურენტებს Toyota GR Supra-სა და Alpine A110 კოლოფებში ასეთი მრავალფეროვნება არ აქვს.

 Infiniti Q60

შესაძლოა Nismo-სგან 400 Z-ის გაუმჯობესებული ვარიანტიც ვიხილოთ. უკეთესი დაკიდებით და სარბოლო ავტომობილის სტილით. 370 Z Nismo-ს მხოლოდ 16 ცხენის ძალა დაემატა. ტურბოდაბერვის ძრავის შემთხვევაში ძალების მომატება უფრო ადვილი იქნება.

Nissan-ის წარმოების დაგეგმვის მენეჯერის განცხადებით, ახალი Z მოდელი მალე უნდა გამოჩნდეს. დიზაინის ხელმძღვანელი ალფონსო ალბაისო კი ამბობს, რომ 370 Z-ის შთამომავლის წარმოდგენა რთული არ უნდა იყოს.

„ Z მოდელი 60-იანებში სახალხო ავტომობილი იყო. მაშინ Porsche ან Jaguar-ი რომ გეყიდა, ბევრი ფული იყო საჭირო. ეს მანქანა დიდი ხანია გაყიდვაშია. არაფერს ვადასტურებ, თუმცა, გასაკვირი არ იქნება, რომ დიზაინერები ახალი მოდელზე მუშაობდნენ“. - ამბობს ის.

საცდელი ვერსია

400 Z-ის გამოსვლის ზუსტი თარიღი უცნობია, თუმცა, კორონავირუსის პანდემიის გამო, მისი გამოსვლა შესაძლოა 2021 წლამდე შეყოვნდეს.

ასევე უცნობია, გამოუშვებს თუ არა კომპანია ევროპისთვის მარცხენა საჭიან ვერსიას. ამერიკაში CO2-ის გამოყოფაზე შეზღუდვები ნალებად მკაცრია, ვიდრე ევროპაში და ეს შესაძლოა ავტომწარმოებლისთვის ევროპულ ბაზარზე პრობლემა გახდეს. თუმცა, ამჟამინდელი მაჩვენებლების მიხედვით, კომპანიამ ეს პრობლემა ასეთ ბაზრებზე შეზღუდული მიწოდებით შეიძლება გადაჭრას.