კორონავირუსი არ ცხრება: ბაჰრეინის და ვიეტნამის გრან პრი გადაიდო

მას შემდეგ, რაც „მაკლარენის“ გუნდის ერთ-ერთ სპეციალისტს კორონავირუსი დაუდგინდა, ავსტრალიის გრან პრი ოფიციალურად გაუქმდა. თუმცა, კორონავირუსის გამო შეწყვეტილი დაგეგმილი ღონისძიებების სია სულ უფრო ვრცელი ხდება.

სეზონის გამხსნელი რბოლის გაუქმების შემდეგ, ფორმულა 1-მა დაადასტურა, რომ ბაჰრეინის და ვიეტნამის რბოლებიც უცნობი ვადით გადაიდო. მათი განცხადებით, დააკვირდებიან, როდის გამოსწორდება სიტუაცია და შესაძლო თარიღებიც მხოლოდ ამის მიხედვით დაიგეგმება.  

ბაჰრეინის გრან პრი  20-23 მარტს უნდა გამართულიყო. ცნობილი გახდა, რომ ბაჰრეინის გრან პრი მაყურებლის გარეშე ჩატარდებოდა, თუმცა, საბოლოოდ გაუქმდა. ვიეტნამის გრან პრის ჩატარების საკითხს (3-5 მარტი) კი პასუხი გაეცა - ბაჰრეინის მსგავსად, ისიც არ ჩატარდება.

„COVID-19-ით გამოწვეული სიტუაცია გლობალურად საკმაოდ მძიმეა. ამიტომ თარიღების დასახელება გაგვიჭირდება. დავაკვირდებით მდგომარეობას და გადაწყვეტილებას ასე მივიღებთ“. - ამბობს ფორმულა 1-ს აღმასრულებელი დირექტორი ჩეიზ ქერი.

ამ სამი რბოლის გაუქმება გულისხმობს, რომ  სეზონი ჰოლანდიის გრან პრითი მაისში გაიხსნება, თუმცა FIA კორონავირუსის გავრცელებაზე მონიტორინგს კვლავ გააგრძელებს.