ბევრს ამ რეპლიკის $20-მილიონიანი Ferrari-სგან გარჩევა უჭირს
იმდენად კარგი რეპლიკაა, რომ ბევრი განსხვავებას ვერ ამჩნევს.
გინდ დაიჯერეთ, გინდ არა, ამ ორი Ferrari 250 California Spyder-დან ერთ-ერთი ყალბია.
მათგან ერთი 1998 წლის BMW Z3-ია, რომელიც $20-მილიონიან Ferrari-ს დაამსგავსეს.
ეს ერთ-ერთი საუკეთესო რეპლიკაა, რაც როდისმე გვინახავს, თუმცა, რამდენიმე დეტალზე დაკვირვებით, მისი გამორჩევა მაინც შესაძლებელია.
რეპლიკა Ferrari-ს ლეგენდარულ Rosso Corsa წითელშია. მისი ამჟამინდელი მფლობელის, ტომ ჰილის თქმით, იმავე ფორმის და ზომისაა, როგორც ორიგინალი.
თუმცა, ბევრად უფრო ძლიერია. ორიგინალ Spyder-ს 280 ცხენის ძალა აქვს. ჰილის რეპლიკას კი - 500.
ავტომობილის ინტერიერიც მაქსიმალურად მიმსგავსებულია.
„რეპლიკას კონდიციონერი, ელექტრო დეტალები და უფრო დიდი კარი აქვს“, - ამბობს ჰილი.
თუ რეპლიკა ახლოდან კარგად დააკვირდებით, რამდენიმე დეტალია, რაც მის სიყალბეზე მეტყველებს.
საქარე მინას დახრის განსხვავებული კუთხე აქვს. განსხვავებაა თვლებშიც. სალონში კი ციფრული ოდომეტრი და BMW-ს ღვედებია.
ამჟამად ეს რეპლიკა აუქციონზე იყიდება და მისი ფასი $210,000-ზეა ასული.