Lamborghini ჰიდრავლიკურ წნეხში - მისტერ ბისტმა Gallardo გაანადგურა

ეს ერთადერთი Lambo არ ყოფილა, რომელიც „იუთუბერის“ მიზნებს შეეწირა.

მისტერ ბისტი ერთ-ერთი ყველაზე ცნობილი „იუთუბერია“. მისი ნამდვილი სახელი ჯეიმს სტეფენ დონალდსონია. ახლახან ამ ადამიანმა ხალხის ყურადღების მიპყრობა კიდევ ერთხელ მოახერხა. ამჯერად, მან ყველა ავტომოყვარულის ყურადღება მიიქცია. მან თავისი ახალი ვიდეოსთვის არა ერთი, არამედ ორი Lambo-ს შეწირვა გადაწყვიტა.

მის ასეთ გიჟურ წამოწყებას ნახვების მხრივ საოცარი შედეგი ჰქონდა. რამდენიმე დღის წინ დადებულ ვიდეოს ამჟამად 90 მილიონზე მეტი ნახვა აქვს.