კარიმ ბენზემამ, ნახევარი დღის ხელფასით, BMW M5 შეიძინა
როდესაც კარიმ ბენზემა ხარ, ყოველდღიური შემოსავლით, თითქმის ყველაფრის ყიდვა შეგიძლია. ფრანგმა ფეხბურთელმა, ამჯერად, ბევრი ავტოენთუზიასტისთვის საყვარელი სედანის BMW M5-ის შეძენა გადაწყვიტა და მასში 145 000 ევრო გადაიხადა. ყველაზე საინტერესო კი ისაა, რომ ავტომობილის შეძენის შემდეგ, მას დღიური შემოსავლიდან, კიდევ 110 000 ევრო დარჩა.
2023 წელს საუდის არაბეთის „ალ-იტიჰადში“ გადასვლის შემდეგ, „მადრიდის რეალის“ ყოფილი ვარსკვლავის წლიური შემოსავალი 97 მილიონი დოლარია. შედეგად, ბენზემა დღიურად 265 000-ს გამოიმუშავებს. ასე რომ თუ ვინმე მთელი ცხოვრება ფულს აგროვებს, რომ თავისი საყვარელი BMW-ის მოდელი იყიდოს, ფეხბურთელისთვის ეს ერთი დღიური შენაძენია.
რა თქმა უნდა, BMW M5 სტანდარტული მდიდრული სედანი არაა. ტვინტურბო V8-ძრავიანი მონსტრი არის 725 ცხენის ძალას გამოიმუშავებს და 0-დან 100-მდე სულ რაღაც 3.5 წამში ჩქარდება. ეს მოდელი იდეალურია მათთვის, ვისაც დედამიწაზე ერთ-ერთი ყველაზე სწრაფი მანქანა უკვე ჰყავს, თუმცა რაღაც უფრო „ყოველდღიური“ სურს.
View this post on Instagram
36 წლის ფეხბურთელის ახალი შენაძენი ალბათ ერთ-ერთი ყველაზე ძვირად ღირებულ ავტოფარეხს შეუერთდება. ბენზემას საკუთრებაში უკვე არის 1 500 ცხენის ძალის მქონე Bugatti Chiron-ი, Lamborghini Revuelto-ს ჰიბრიდი ჰიპერქარი, Ferrari Purosangue, ელექტრო Rolls-Royce Spectre და ა.შ.
