Ford-ი 5 ახალ ხელმისაწვდომ მოდელს უშვებს | ერთი იმაზე იაფია, ვიდრე წარმოიდგენთ

ახალი ავტომობილების საშუალო ფასი, უახლესი მონაცემებით, $50 000-მდეა გაზრდილი, რაც, დაგვეთანხმებით, სტანდარტული მყიდველისთვის საკმაოდ მაღალი ღირებულებაა. გამომდინარე აქედან, მომხმარებელთა დიდ ნაწილს ურჩევნია, მომავალი მოდელი მეორადი ავტომობილების ბაზარზე ეძებოს. თუმცა Ford-მა გადაწყვიტა, ეს „პრობლემა“ მცირედით მაინც მოეგვარებინა და რამდენიმე ხელმისაწვდომი მოდელის გამოშვება დაანონსა.

Automotive News-ის ინფორმაციით, Ford-ის ხელმძღვანელებმა ამ კვირაში გამართულ NADA Show-ზე განაცხადეს, რომ ათწლეულის ბოლომდე მათ საწარმოო ხაზს ხუთი, 50 000 აშშ დოლარზე ნაკლები ღირებულების ახალი მოდელი შეუერთდება. ეს არა მხოლოდ ერთი ხელმისაწვდომი მანქანა, არამედ, ფაქტობრივად, მთელი ხაზია.

საშუალო ზომის ელექტროპიკაპი მომავალ წელს გამოვა. წინასწარი შეფასებებით, ამ მოდელის ღირებულება $30 000-მდე უნდა იყოს, რაც დღევანდელ ფასებთან შედარებით საეჭვოდ დაბალი ნიშნულიც კია. მაგრამ Ford-ის გეგმები ერთ პიკაპზე მეტია. Ford Blue-სა და Model e-ს ხელმძღვანელ ენდრიუ ფრიკის განცხადებით, ახალი მოდელები მოიცავს მსუბუქ მანქანებს, პიკაპებს, SUV-ებსა და ფურგონებს — თანაც, სხვადასხვა სახის ძრავის ვერსიებით. ეს იქნება სრულიად ახალი სახელწოდების მქონე ავტომობილები და არა მხოლოდ არსებული მოდელების უფრო იაფი ვარიანტები.

თუმცა Ford-ის პრობლემებიც არ უნდა დავივიწყოთ: მათ შორისაა Escape, რომლის საბაზისო მოდელის წარმოება ავტომწარმოებელმა დეკემბერში შეწყვიტა. სადილეროებში მარაგი კვლავ მოიძებნება, თუმცა უახლოეს მომავალში შესაძლოა მიწოდებაში დეფიციტი გაჩნდეს. შესაბამისად, იქნება მოთხოვნა საბაზისო და ხელმისაწვდომ SUV-ზე, თუმცა — აღარანაირი მიწოდება. Ford-ის განცხადებით, მიმდინარე წელს ისინი Escape-ს, სავარაუდოდ, სრულად ამოყიდიან, შემდგომ კი ამ თანხას ახალი მოდელების წარმოებისთვის გამოიყენებენ.

ხაზში დიდი ხარვეზი Escape-ის გარშემოა კონცენტრირებული. Ford-მა შეწყვიტა საწყისი დონის კროსოვერის წარმოება დეკემბერში და, მიუხედავად იმისა, რომ დილერებს ჯერ კიდევ აქვთ გასაყიდი მარაგი, წელს გარკვეულ მომენტში მათ გაუჩნდებათ დანაკლისი იქ, სადაც ბევრი პირველადი და ბიუჯეტზე ორიენტირებული მყიდველი ხვდებოდა.

პარალელურად, Ford-ი ისეთი მოდელების საბაზისო დონის მოდიფიკაციების გაშვებასაც გეგმავს, როგორებიცაა Explorer-ი და Bronco. ფრიკის განცხადებით, ისინი სხვადასხვა გზას იკვლევენ, რათა ავტომობილები უფრო ხელმისაწვდომი გახადონ და ყველაფერს გააკეთებენ მომხმარებლისთვის არჩევანის გასამარტივებლად.