იაპონიაში მომხდარმა დამანგრეველმა მიწისძვრამ Toyota-ს, Honda-სა და Nissan-ის ქარხნები დააზიანა
სტიქიური უბედურებები დღეს სულ უფრო ხშირი მოვლენა ხდება, მეცნიერები კი მთავარ მიზეზად კლიმატის ცვლილებას ასახელებენ. მაგალითად, 24 ივნისს ვენესუელაში მომხდარი ორმაგი მიწისძვრის მსხვერპლთა რაოდენობამ უკვე 5500 ადამიანს გადააჭარბა.
ასევე იხილეთ: ცუნამს გადარჩენილი ლურჯი Subaru - ავტოპორტრეტი
სულ მცირე 18 ადამიანი ემსხვერპლა შენობების, მათ შორის სავაჭრო ცენტრის ჩამონგრევას გუშინ, იაპონიის სამხრეთ-დასავლეთით, კუმამოტოში მომხდარი 7.1 მაგნიტუდის სიმძლავრის მიწისძვრის შედეგად. ვარაუდობენ, რომ ზარალის შეფასებასთან ერთად მსხვერპლთა რაოდენობა გაიზრდება. დანგრეულია საცხოვრებელი სახლები, 9000-მდე ადამიანი თავშესაფარს ეძებს, ხოლო ასობით საწარმომ მუშაობა შეაჩერა — ზოგ მათგანს ინფრასტრუქტურის ხელახლა აშენება დასჭირდება.
Toyota-სა და Nissan-ის წარმოება პარასკევამდე შეჩერებულია
ავტოინდუსტრიისთვის კუმამოტოს რეგიონი ავტომობილების ნახევარგამტარების (მიკროჩიპების) გლობალური ჰაბია. გარდა ამისა, ადგილობრივი მომწოდებლები CMOS გამოსახულების სენსორებს, სპეციალურ ძრავებსა და პლასტმასის დეტალებსაც აწარმოებენ. Honda ამ რეგიონში მოტოციკლებს აწყობს და ეს წარმოებაც ამჟამად გაჩერებულია. თუმცა, მიწისძვრამ ყველაზე პირდაპირი დარტყმა, როგორც ჩანს, Toyota-სა და Nissan-ს მიაყენა — ორივე მათგანმა ადგილობრივ ქარხნებში საქმიანობა შეაჩერა.
სააგენტო Reuters-ის ცნობით, ფუკუოკას პრეფექტურაში მდებარე Toyota Motor Kyushu-ს მიატას, კანდასა და კოკურას ქარხნებში მუშაობა უსაფრთხოების ნორმების, ლოგისტიკისა და მომწოდებლების მდგომარეობის გადამოწმებამდე შეჩერებული დარჩება. მიატას ქარხანა Lexus ES, RX, NX და UX მოდელებს აწყობს, რომელთა დაახლოებით 90% ექსპორტზე — ძირითადად აშშ-ში მიდის. გამოცემა Automotive News-ის ცნობით, კანდას ქარხანა ძრავებს აწარმოებს, ხოლო კოკურა — ჰიბრიდულ ძალურ აგრეგატებს.
Toyota-ს წარმომადგენელმა გამოცემა CarBuzz-ს ელექტრონული ფოსტით დაუდასტურა, რომ მიატას ქარხანაში წარმოება პარასკევის ჩათვლით შეჩერებული იქნება, სანამ რეგიონში განმეორებითი ბიძგები და სამაშველო სამუშაოები გრძელდება. რაც შეეხება Nissan-ს, მას რეგიონში ორი ქარხანა აქვს და ჯერჯერობით უცნობია, რამდენ ხანს გასტანს პაუზა. Automotive News-ის ცნობით, Nissan Shatai Kyushu აწყობს Infiniti QX80-ს, Nissan Patrol-სა და Armada-ს, ხოლო Nissan Motor Kyushu-ს ქარხანა Serena e-Power-სა და X-Trail-ს უშვებს.
წარმოების შეჩერება აშშ-ის ბაზარზე Lexus-ის გაყიდვებზე აუცილებლად მოახდენს გავლენას, თუმცა AutoForecast Solutions-ის ვიცე-პრეზიდენტმა, ანალიტიკოსმა სემ ფიორანიმ CarBuzz-თან საუბარში აღნიშნა, რომ იაპონური წარმოება ყოველთვის გამოირჩეოდა საოცარი მდგრადობით. მან გაიხსენა 2011 წლის ფუკუშიმას 9.0 მაგნიტუდის მიწისძვრა, რომელმაც თითქმის 20 000 ადამიანი იმსხვერპლა და 5.2 მილიონი ოჯახი მინიმუმ ერთი კვირით ელექტროენერგიის გარეშე დატოვა.
