Toyota Corolla შესაძლოა Gazoo Racing-ის ვერსიითაც ვიხილოთ

წინა წელს Toyota-მ განაცხადა, რომ ყველა მანქანის განახლებულ ვერსიას გამოუშვებდა. ორი კვირის წინ, მათ სამი ახალი ავტომობილი დაასახელეს: Corolla GR, C-HR GR-Sport და C-HR GR-S. ეს კი მხოლოდ დასაწყისია.

პირველი ავტომობილი, რომელიც Gazoo Racing-მა წარმოგვიდგინა Toyota Supra იყო. შემდეგ ჩვენ ვიხილეთ მხოლოდ იაპონიისთვის შექმნილი Yaris GR, რომელიც ჩვენთვის ნაცნობი ვერსიისგან განსხვავდებოდა: 1.6-ლიტრიანი ტურბოდაბერვის ძრავა, რომელიც 268 ცხენის ძალას გამოიმუშავებს და 4x4 სისტემითაა.

შემდეგი Corolla GR და C-HR აღმოჩნდა. Corolla GR, სედანის შემთხვევაში Honda Civic Si-ს კონკურენტი უნდა იყოს. ჰეჩბექი კი VW GTI-ს.

ახლანდელ Corolla-ს 169 ცხენის ძალა აქვს. კომპანიას დიდი ნახტომის გაკეთება მოუწებს. Camry-ს ძრავას გამოყენება ალბათ უკეთესი იქნება. 2.5-ლიტრიანი I4, რომელიც 203 ცხენის ძალას გამოიმუშავებს.

რაც შეეხება C-HR კროსოვერს, GR-S ვერსია განახლებული იქნება, მაგრამ სავარაუდოდ, ეს განახლება ძრავას არ შეეხება.

დაველოდოთ, რა სიახლეებს შემოგვთავაზებს Toyota და ვიხილავთ თუ არა იაპონური ავტომწარმოებლისგან უფრო ძლიერ ძრავებს.