Land Rover-ი Toyota GR Yaris-ს შეეჯახა და სანახაობრივად გადაბრუნდა

მოუთმენლობა Land Rover-ის მძღოლს ძვირად დაუჯდა.

როცა სუვს მართავ, არ უნდა დაგავიწყდეს, რომ სხვა მანქანებთან შედარებით გრავიტაციის ცენტრი უფრო მაღლაა. ესეც რომ არ იყოს, წინ მიმავალ ავტომობილთან დისტანცია უნდა დაიცვა. ამ Land Rover-ის მძღოლს ორივე დაავიწყდა. Toyota GR Yaris-ს შეეჯახა და სანახაობრივად გადაბრუნდა.

And for those wondering how the feck you end up upside on a traffic island ….the answer has been revealed- you drive like a tw*t! pic.twitter.com/s3fj1uSSO7

— James Goes Cycling????????⛵️???????? (@JamesKPatterson) December 23, 2021

ეს ამბავი ინგლისში, ბირმინგემში მოხდა. Discovery Sport-ი GR Yaris-ს მგზავრის მხარეს, უკანა ბამპერთან შეეჯახა და გადაბრუნდა. წინა ავტომობილი ავარიას სულ შემთხვევით გადაურჩა. Land Rover-ს ფანჯრები, სახურავი, კაპოტი და წინა ბამპერი დაუზიანდა. ყველაზე საინტერესო ისაა, რომ თითქმის 2-ტონიანი სუვის შეჯახების შემდეგ Yaris-ი თითქმის არ დაშავებულა.

ავარიის შედეგად არავინ დაშავებულა. თუმცა, დაზიანებული ავტომობილის შეკეთებას დიდი დრო და თანხაც დაჭირდება. ამ ყველაფერს კი თავიდან აირიდებდნენ, სუვის მძღოლს სულ ცოტა მოთმინება რომ ჰქონოდა.