Honda Civic-ი მოზარდებისთვის საუკეთესო ავტომობილად დასახელდა
2025 წლის Honda Civic-ის ჰიბრიდი ვერსია, U.S. News & World Report-ის მიერ, მოზარდებისთვის საუკეთესო ავტომობილად დასახელდა. ეს არის მესამე შემთხვევა, როდესაც Civic-მა ეს წოდება მოიპოვა - მთავარი აქცენტით, ამ მოდელის უსაფრთხოებაზე.
მეთერთმეტე თაობის Civic-ი აქტიური და პასიური უსაფრთხოების მოწინავე ტექნოლოგიების წყალობით, კომპაქტურ კლასში უსაფრთხოების ლიდერია. ეს ტექნოლოგიები ყველა ტიპის Civic-ის სტანდარტულ კომპლექტაციაში შედის. მოზარდებისთვის საუკეთესო ავტომობილად დასახელებისთვის, მანქანას საიმედოობის მაღალი რეიტინგი, მძღოლის დამხმარე თანამედროვე ტექნოლოგიები და ფასის კატეგორიაში კრიტიკოსთა საუკეთესო რეკომენდაციები უნდა ჰქონდეს.
2025 წლის Civic-ი 9-ინჩიანი სენსორული ეკრანითაა აღჭურვილი, რომელიც თავსებადია Honda Driver Coaching აპლიკაციასთან. ეს უკანასკნელი ახალბედა მძღოლების დასახმარებლადაა შექმნილი, რათა გააუმჯობესოს მათი მართვის უნარები და უსაფრთხო მართვის პრაქტიკა. თითოეული მართვის სესიის შემდეგ, მომხმარებლები იღებენ მართვის ქულას და პერსონალიზებულ რჩევებს მართვის ქცევის გასაუმჯობესებლად.
2025 წლის Civic-ის თითოეული მოდელი Honda Sensing-ის უსაფრთხოებისა და მძღოლის დამხმარე ტექნოლოგიებითაა აღჭურვილი. ეს მოიცავს 2025 წლისთვის გაუმჯობესებულ უსაფრთხოების მაჩვენებლებს - ეხება მოტოციკლებისა და ველოსიპედებისთვის ხილვადობის, ფეხით მოსიარულეთა ამოცნობისა და ხილვადობის გაუმჯობესებას. ასევე ადაპტიურ კრუიზ-კონტროლს და სხვა აუცილებელ ფუნქციებს, უკეთესი მართვისთვის.
