ნატოს ძალებს შესაძლოა მალე Chevy-ის ამოუცნობი პიკაპი შეუერთდეს

ბრიტანეთის არმიამ, „ნატოს“ სხვა ძალებთან ერთად, შესაძლოა მალე GM Defense-ის Infantry Square Vehicle, შემოკლებით ISV წარადგინოს, რომელიც როგორც სახელიდანაც ჩანს, ქვეითების გადასაყვანად იქნება განკუთვნილი. Infantry Square Vehicle არსებითად Chevrolet Colorado ZR2-ის გაძლიერებული ვერსიაა. ექსკლუზიური კონტრაქტის მისაღებად, GM-მა პარტნიორობა კარგად ცნობილ თავდაცვის კონსტრუქტორთან, NP Aerospace-თან დაიწყო, რომელიც გაერთიანებულ სამეფოსა და კანადაში ოპერირებს.

GM-ის ISV-ს უკვე რამდენიმე წელია აშშ-ის არმიის ქვედანაყოფი, სპეციალური ოპერაციების ძალები და კანადის შეიარაღებულ ძალები იყენებენ. ის ასევე განლაგებულია ევროპის კონტინენტზე, მის მეორე ვერსიასთან ერთად, რომელიც IUV-ის (Infantry Utility Vehicle) სახელითაა ცნობილი. ბრიტანეთის არმიას განახლებული ფლოტი სჭირდება და კოლორადოში შექმნილი სატვირთო შესაძლოა ამ ამოცანისთვის იდეალური იყოს.

ISV  თავის პლატფორმას Colorado ZR2-თან იზიარებს და 90%-ით კომერციულად მზა ნაწილებისგან - მათ შორის, Chevrolet Performance-ის კომპონენტებისგან - შედგება. ეს ერთი მხრივ ხარჯებს ამცირებს და მის სანდოობასა და უსაფრთხოებაზეც ხაზს უსვამს. მისი სიმძლავრე GM-ის ნაცნობი 2.8-ლიტრიანი Duramax-ის ტურბო-დიზელის ოთხცილინდრიანი ძრავიდან მოდის, რომელიც 6-სიჩქარიან გადაცემათა კოლოფთან და 2-სიჩქარიან სარიგებელ კოლოფთანაა დაკავშირებული.

ISV-სა და IUV-ს მაქსიმუმ ცხრა ადამიანის გადაყვანა შეუძლია. ისინი საკმარისად პატარა და მსუბუქია იმისთვის, რომ მისი ტრანსპორტირება დიდი თვითმფრინავების, მათ შორის C-17 Globemaster III-ის საშუალებით მოხდეს ან Chinook-ის ან King Stallion-ის ვერტმფრენის სათავსოში მოათავსონ.

GM-ის თავდაცვის უფროსის განცხადებით, მთავარი მიზანი ბრიტანეთის არმიისთვის ინოვაციური გადაწყვეტის შეთავაზებაა, რაც თავის მხრივ საუკეთესო შესაძლებლობებს უზრუნველყოფს, როგორც მათთვის, ასევე სრულად „ნატოს“ ალიანსის პარტნიორებისთვის.