Acura RSX დაბრუნდა | მაგრამ არა, როგორც სპორტქარი

დაახლოებით 25 წლის წინ, Acura RSX-ის დებიუტი შედგა, რომელიც იმ დროს Integra-ს მემკვიდრედ მოისაზრებოდა. RSX-ის წარმოება მსგავს სტილში გაგრძელდა და საბოლოოდ, Honda Civic-ის უფრო დახვეწილი ვერსია მივიღეთ. თუმცა, როგორც ჩანს, ცვლილებების დროც დადგა.  RSX დაბრუნდა, მაგრამ რადიკალურად განსხვავებული ვერსიით და რაც მთავარია, არა როგორც სპორტქარი.

Acura თავის ახალ RSX Prototype-ს მონტერეის ავტომობილების კვირეულზე წარადგენს. ZDX-ისგან განსხვავებით, რომელიც GM-ის Ultium-ის ელექტრომობილის არქიტექტურას იყენებს, RSX ლოკალური პროექტია. ეს იქნება პირველი საწარმოო მანქანა, რომელიც Honda-ს ახალ ელექტროპლატფორმაზე დაფუძნდება.  Acura ახალი მოდელის წარმოებას ოჰაიოში მდებარე ქარხანაში იგეგმება.

Acura ამ პროექტს, „პროტოტიპს“ უწოდებს, მაგრამ, როგორც წესი, Honda-ს პროტოტიპები საბოლოო საწარმოო მოდელებთან ძალიან ახლოსაა ხოლმე. ასე გამოიყურება ახალი RSX, თუმცა დარწმუნებით ჯერ არ ვიცით, იქნება თუ არა ყვითელი ფერი ალტერნატივებს შორის.

RSX-ს სრულადამძრავი სისტემა ექნება, ორბერკეტიანი წინა საკიდარი და Brembo-ს ბრენდის მუხრუჭები. პროტოტიპი 21-ინჩიან ბორბლებზე დგას და Acura-ს თქმით, ფართო სტილის უკანა ნაწილი მეორე თაობის NSX-ითაა შთაგონებული.

RSX ასევე იქნება Honda-ს პირველი პროდუქტი, რომელიც ავტომწარმოებლის უახლესი საინფორმაციო-გასართობი სისტემით აღიჭურვება. Acura „პროგრამულად განსაზღვრულ“ ავტომობილად ახასიათებს, რომელსაც ASIMO OS-ს სისტემით, რომელიც მომხმარებლის პრეფერენციებს სწავლობს. RSX-ს ასევე Tesla-ს სტილის დასამუხტი პორტით აღიჭურვება და მისი გამოყენება, ერთგვარ გენერატორადაც შესაძლებელი იქნება.

თუმცა, Acura-მ დეტალებთან დაკავშირებით დამატებითი კომენტარები არ გაუკეთებია. შესაბამისად, ჩვენ არც ამ მოდელის ბატარეის დიაპაზონი ვიცით, არც ფასი და არც რაიმე სხვა სიახლე. ყველაფერი მოგვიანებით გახდება ცნობილი.