AMG Hyper EV-მა შვიდ დღეში მსოფლიოს შემოუარა და 25 რეკორდი დაამყარა
Mercedes-AMG-სთვის რეკორდების დამყარება უცხო ხილი ნამდვილად არაა, თუმცა ახლა მან შესაძლოა, საკუთარი შესაძლებლობებიც კი გააუმჯობესა. Concept AMG GT XX-მა მსოფლიოს, ვირტუალურად, ერთ კვირაში შემოუარა და რამდენიმე ახალი რეკორდიც დაამყარა. AMG.EA პლატფორმამ კი დაამტკიცა, რომ მას დიდ დისტანციებზე დომინირებაც ძალიან მარტივად შეუძლია.
GT XX-ის მთავარი მახასიათეგბელი განსხვავებული ტიპის სამი ელეტროძრავაა (ე.წ. ღერძული ნაკადის ძრავა), რომლებიც მაღალი ხარისხის აკუმულატორთანაა შეწყვილებული. AMG-ის თქმით, მომავალი წლიდან აღნიშნულ ტექნოლოგიაზე საწარმოო მანქანები დაფუძნდება. კონცეპტი 1 360 ცხენის ძალაზე მეტს გამოიმუშავებს და სამნიშნა სიჩქარის შენარჩუნებაც დღეების განმავლობაში შეუძლია. ეს ჰიპერბოლა არ გახლავთ - უკვე დადასტურებული ფაქტია.
მანქანა გერმანიის ნარდოს ტრასაზე ზედიზედ 7.5 დღის განმავლობაში მოძრაობდა და მხოლოდ, დამუხტვისთვის ჩერდებოდა. რეალურად, Mercedes-მა ორი GT XX პროტოტიპი წარადგინა, რომელთაც რეკორდის დამყარების პერიოდში 12.68 კმ-ის სიგრძის ტრასაზე 3 177 წრე დაფარეს. ტრასაზე AMG-ის პროტოტიპმა რამდენიმე რეკორდი მოხსნა. მათ შორის 2 000-40 075 კმ-ზე ყველაზე სწრაფი EV გახდა და თან, ელექტრომობილისთვის 12-168 საათში ყველაზე დიდი მანძილიც დაფარა.
ჟიულ ვერნის „რვა დღეში მსოფლიოს გარშემო“-სგან მიღებული ინსპირაციით, Mercedes-მა ეს მაჩვენებელი რეალურად მოხსნა. AMG GT XX-მა ეს მანძილი სულ რაღაც 7 დღეში, 13 საათში და 24 წუთში გაიარა. ეს ნიშნავს, რომ საშუალოდ, ამ დროის განმავლობაში, ავტომობილი 220 კმ/სთ-ით მოძრაობდა. ამ პერიოდში შედის დამუხტვისთვის გაჩერების დროსაც.
რა თქმა უნდა, ეს მხოლოდ კონკრეტულად ამ რეკორდისთვის შექმნილი გარემოებების წყალობით გახდა შესაძლებელი. 850 კვტ-ზე დამუხტვა ამჟამად მხოლოდ კონცეპტუალურ ავტომობილებს შეუძლიათ, თუმცა ამან AMG GT XX-ს ხუთ წუთში 400 კმ-ის გავლის შესაძლებლობა მისცა.
View this post on Instagram
სიმძლავრის გაუმჯობესებას უზრუნველყოფდა ღერძული ძრავებიც, ხოლო Mercedes-მა F1-ისგან შთაგონებული აკუმულატორის პირდაპირი გაგრილების მიდგომაც გამოიყენა. ეს კი საკმაოდ კრიტიკული ფაქტორია, რადგან ტემპერატურა ამ პირობებში ზოგჯერ 35°C-საც აღწევს. მიუხედავად იმისა, რომ უახლოეს მომავალში ალბათ ელექტრომობილებისა და შიგა წვის ძრავებზე მომუშავე ავტომობილების გამძლეობის რბოლებს არ უნდა ველოდოთ, ტექნოლოგიურად ეს უკვე მნიშვნელოვანი წინ გადადგმული ნაბიჯია.
