BMW Neue Klasse-ს პროტოტიპმა ავტობუსი შეიწირა | დაშავდა რამდენიმე მგზავრი

BMW iX3-ის პროტოტიპი უნგრეთში ავტობუსს დაეჯახა. გავრცელებული ინფორმაციით, ავარიის შედეგად რამდენიმე ადამიანი დაშავდა, მათ შორის არიან ავტობუსის მგზავრებიც, რომლებიც სატრანსპორტო საშუალებიდან გადმოვარდნენ.

ავტობუსის ოპერატორის განცხადებით, მანქანა გიონგიოსისკენ მიემართებოდა, როდესაც iX3 „ავტობუსს ზოლში გადავიდა" და პირდაპირ, ავტობუსს შეეჯახა. შეჯახებისას დაშავდა შვიდი ადამიანი, მათ შორის ბავშვი და ავტობუსის მძღოლი. შემთხვევის ადგილზე გადაღებულ ფოტოებში ჩანს, რომ ავარიისას ავტობუსის წინა საქარე მინა თითქმის სრულად ჩაიმსხვრა. მოტეხილი და გაღუნულია წინა გვერდითი ნაწილიც.

კომპანიის განცხადებით, ავტობუსის მძღოლმა ყველაფერი გააკეთა შეჯახების თავიდან ასაცილებლად, თუმცა მოახლოებული მანქანის წინააღმდეგ ის სრულებით უშანსოდ იყო. ოპერატორის ინფორმაციითვე, შეჯახებით მნიშვნელოვნად დაზიანდა ავტობუსი, ხოლო საწვავის დიდი ნაწილი ტრასაზე დაიღვარა.

გავრცელებული ცნობებით, შემთხვევა  Mátrafüred-ის სიახლოვეს მოხდა. Gyöngyös Ma-ს მტკიცებით, ელექტრო კროსოვერი მაღალი სიჩქარით მოძრაობდა. ეს ჯერ გასარკვევია, თუმცა რასაც ვხედავთ ისაა, რომ მანქანის წინა ნაწილი თითქმის სრულად განადგურებულია, დაზიანებულია სახურავი, ხოლო უსაფრთხოების ბალიშები გახსნილი.

მიუხედავად იმისა, რომ კითხვები კვლავ რჩება, ფაქტი ფაქტია: iX3-ის მოდელი Neue Klasse-ის ოჯახის პირველი წევრი იქნება. მოდელის დებიუტი მომდევნო თვეში, მიუნხენის ავტოშოუზე შედგება და მას, ავტოინდუსტრია მოულოდნელად ელოდება.