გერმანულმა ტუნინგ კომპანიამ კიმ კარდაშიანის Range Rover-ით შთაგონებული M5 შექმნა
გერმანულმა ტიუნერმა BMW M5-ის სპორტქარი შექმნა და ინსპირაციად, რეალითი შოუს ვარსკვლავისა და მილიარდერ კიმ კარდაშიანის Range Rover-ი გამოიყენა. მიუხედავად იმისა, რომ კარდაშიანთან შედარება შესაძლოა მძაფრი კამათის მიზეზადაც კი იქცეს, R44 Performance-მა გადაწყვიტა, რომ შთაგონება სწორედ კიმის Range Rover-დან მიეღო.
კომპანიის მიზანი ენთუზიასტებში სათადარიგო ნაწილების პოპულარიზაცია გახლდათ, ამავროულად კი, ტუნერს სურდა, სხვა კონკურენტებისგან გამორჩეული ყოფილიყო. ამან გერმანული ფირმა კარდაშიანის Range Rover-მდე მიიყვანა და გერმანული სპორტქარის თითქმის სრულად მოდიფიცირება გადაწყვიტა.
BMW-ის ცვლილებები მასშტაბური იყო, რამაც განსხვავებული და ძალიან უცნაური ვიზუალიც შექმნა. ერთ-ერთი პირველი ცვლილება რაც თვალში გვხვდება ავტომობილის ფერია, M5 ახლა 3M Satin Silver ვინილის საფარითაა დაფარული. ფერთან შესაბამისობაში კი, კომპანიამ Vossen-ის 22-ინჩიანი ვერცხლისფერი HF9 Hybrid-დისკები აირჩია.
თითქმის ყველაფერი პირდაპირი ინსპირაციაა კარდაშიანის Range Rover-ის, რომლის ღირებულებაც $300 000-ს აღწევს.
მოდიფიცირებულ BMW-ში შესამჩნევი მახასიათებელია მანქანის სიმაღლეც. ახალი საკიდრის წყალობით, BMW ახლა ტრასასთან შედარებით გაცილებით დაბლა დგას, ვიდრე ქარხნულად. თუმცა ცვლილებები არც ამით მთავრდება. უფრო მეტიც: M5-ის სხვა ნაწილები კიმ კარდაშიანის Range Rover-ით არის შთაგონებული. კომპანიამ ახალი გვერდითა პანელები, წინა სპლიტერი და სხვა დეტალები შემოგვთავაზა. მანქანის უკანა მხარეს კი ახალი დიფუზორი და სპოილერია გამოსარჩევი, რომელიც მანქანის ძარასთან საინტერესო კონტრასტს ჰქმნის.
შესაძლოა ეს არ იყოს ამ სპორტქარის ყველაზე გემოვნებიანი მოდიფიკაცია, რომელიც ჩვენ წარსულში გვინახავს, თუმცა შეიძლება ითქვას, რომ კომპანიამ თავისი გეგმა შეასრულა. BMW M5-ის ეს ვერსია განსხვავებულია და თან, კარდაშიანის Range Rover-საც მარტივად მოგვაგონებს.
