Honda-ს პრობლემები აქვს — Odyssey-ს, Pilot-სა და CR-V-ს მომხმარებლები უჩივიან

უწყება აღნიშნულ საქმეებს იძიებს, რათა გაარკვიოს, რამდენად მასშტაბური და სისტემურია ხარვეზი ამ კონკრეტულ მოდელებში.

მეორე გამოძიება ეხება 2023-2024 წლების Honda Pilot-ის უკანა სავარძლების უსაფრთხოების ღვედის გაფრთხილების სისტემას (გრძელი წინადადებაა, არა?). საგზაო მოძრაობის უსაფრთხოების ადმინისტრაციამ ამ საკითხთან დაკავშირებით 6 საჩივარი მიიღო. 

მომჩივანთა განცხადებით, უსაფრთხოების სისტემა არასწორ სიგნალებს იძლევა ორივე შემთხვევაში — როცა შეკრულია, განგაშს ტეხს, ხოლო როცა გახსნილია — პირიქით. ეს პოტენციურად ძალიან სახიფათო ხარვეზია, განსაკუთრებით კი მცირეწლოვანი ბავშვების მშობლებისთვის, რადგან, შესაძლოა, მანქანამ არ გაგვაფრთხილოს, როცა ბავშვის ღვედი შეკრული არ არის.

ბოლო გამოძიება კი ყველაზე საგანგაშოა (საჩივრების რაოდენობითაც: 48 ერთეული) — 2020-2022 წლის CR-V Hybrid-ები მაგისტრალზე მოძრაობისას სიმძლავრეს გაუფრთხილებლად კარგავენ — უეცრად ინთება check სიგნალი და მანქანის სიჩქარე ეცემა. მძღოლმა ავტომობილი უნდა გადააყენოს და თავიდან დაქოქოს, რაც ხარვეზს აგვარებს, თუმცა არა საბოლოოდ — პრობლემასთან ერთად იშლება შეცდომის კოდებიც, ეს კი პრობლემის წყაროს მიგნებას ძალიან ართულებს. 

თუ ეს უკანასკნელი ხარვეზი დადასტურდება, ჰონდას 124795 ავტომობილის გამოხმობა მოუწევს — ჯამურად, სამივე გამოძიების სუბიექტი 708369 მანქანა იქნება.