Ferrari Luce-მდე დიდი ხნით ადრე არსებობდა Mazda Luce

დღესდღეობით ახალი ავტომობილებისთვის ძველი სახელების დარქმევა საკმაოდ გავრცელებული პრაქტიკაა. ავტომწარმოებლების ნაწილი ცდილობს, მომხმარებელში ამ მიდგომით ნოსტალგია აღძრას და მათი ახალი მოდელები ყველასათვის საყვარელ, ძველ ავტომობილებს დაუკავშიროს. თუმცა, იშვიათად ხდება, რომ სახელის გარდა, ამ ავტომობილებს რაიმე საერთო ჰქონდეთ.

პირველი ელექტრომობილისთვის Ferrari-მ აირჩია სახელწოდება, რომელიც ადრეც გამოიყენებოდა — მაგრამ არა მარანელოს გუნდის მიერ. ამის ნაცვლად, Luce თავდაპირველად დაახლოებით 60 წლის წინ გამოშვებულ ავტომობილზე გამოჩნდა.

1966 წლის 20 აგვისტოს, Mazda-მ წარადგინა Luce, როგორც მისი ფლაგმანი მოდელი. უკანაწამყვანი სედანი დაფუძნებული იყო დიზაინზე, რომელიც „ბერტონეს“ (Bertone) დიზაინ სტუდიამ შექმნა. 1969 წლის ოქტომბერში მას ძალიან დახვეწილი მოდელი, Luce Rotary Coupe მოჰყვა, რომლის წარმოებაც მხოლოდ 1 000 ერთეულით შემოიფარგლა.

ამ ავტომობილებს როტორული ძრავა და წინა წამყვანი სისტემა ჰქონდა — კომბინაცია, რომელიც მას შემდეგ აღარ გამოუყენებიათ. ტექნიკურად, MX-30 e-Skyactiv R-EV ასევე წინა წამყვანი სისტემითაა აღჭურვილი, მაგრამ ბორბლებს შიგაწვის ძრავა არ ამოძრავებს; ამის ნაცვლად, ის აკუმულატორის დასამუხტად გენერატორის როლს ასრულებს, რაც კროსოვერს გაფართოებული დიაპაზონის ელექტრომობილად აქცევს.

როგორც ეს ისტორიულად იაპონური ავტომობილების შემთხვევაში ხდებოდა, საექსპორტო ვერსიებს სხვა სახელები ჰქონდათ. თაობის მიხედვით, ეს დასახელებები იყო როგორც 929, ასევე RX-4. ასევე არსებობდა შეცვლილი სტილის Kia Potentia სამხრეთ კორეის ბაზრისთვის. Luce გაყიდვაში 1991 წლამდე დარჩა, მანამ, სანამ HC-ის თაობის წარმოება არ შეჩერდა. წარმოების შეწყვეტამდე კი ამ მოდელში კომპანიის პირველი V6 ძრავაც მოათავსეს.

ასევე დაგაინტერესებთ: დიზაინის პოეზია — Ferrari-მ Luce-ს ინტერიერი წარადგინა 

დაახლოებით 35 წლის შემდეგ, რაც Mazda-მ ეს სახელი ბოლოს გამოიყენა, Ferrari მას უკვე ელექტრომობილად აბრუნებს. The Prancing Horse-მა განცხადებაში აღნიშნა, რომ Luce იტალიურად „სინათლეს“ ან „განათებას“ ნიშნავს. ამასთან ერთად კი, ის მომავალი მოდელებისთვის ახალი სახელწოდების სტრატეგიაზე მიუთითებს.