ახალი Supra Manhart-ისგან კიდევ უფრო ძლიერი და დახვეწილია

დამატებით 110 ცხენის ძალაზე რას იტყოდით?

Manhart-ის ატელიე ძირითადად BMW-ს ტუნინგზეა ორიენტირებული. ამ ბოლო დროს BMW-მ და Toyota-მ პარტნიორობით ორი ავტომობილი ერთსა და იმავე ბაზაზე გამოუშვეს: Z4 და Supra. ისინი ერთმანეთს აგრეგატის და სხვა ნაწილებსაც უზიარებენ. Manhart-მა Z4-ის განახლებული ვერსია უკვე გამოუშვა და მისი ცხენის ძალები 440-მდე გაზარდა. ახლა მათ Supra-ს განახლება გადაწყვიტეს და მისი ცხენის ძალები 450-მდე აიყვანეს.

ახალ Supra GR 450-ს მომატებული მაბრუნი მომენტიც აქვს - 650ნმ. საბაზისო მოდელს 340 ცხენის ძალა და 500ნმ ჰქონდა. Manhart-ი იმავე 3.0-ლიტრიან ტურბოდაბერვის 6-ცილინდრიან ძრავას იყენებს. MHTronix MHtronik Powerbox დაამატეს. მაყუჩი უჟანგავი მეტალისაა. შავი ფერის ან კარბონის მილის არჩევა შეგიძლიათ.  

Manhart-მა Supra-ს ზამბარები დაადაბლა. სხვა გარეგნული განახლებები წითელ ზოლებს მოიცავს. დისკები 20-იანია. ისინი მარგალიტის ფერისაა, თუმცა შავ ფერშიც ხელმისაწვდომია. ატელიემ მათზეც იზრუნა, ვისაც მანქანებიდან კატალიზატორების ამოღება უყვართ. მანქანას ძრავის ყალბი ხმა დაუმატა, რომელიც ინტერიერში შემოდის.  

Manhart-ის განახლებები ისედაც დახვეწილ და სპორტულ Supra-ს მეტ ელეგანტურობას მატებს, განსაკუთრებით კი დამატებითი წითელი ხაზებით. თუ სტანდარტული Supra არ გაკმაყოფილებთ, ის ტუნინგ ატელიეების ყურადღების ცენტრშია და ყოველთვის შეგიძლიათ, მისი გაუმჯობესებული ვერსია მიიღოთ.