ილონ მასკმა დაადასტურა, რომ Tesla Semi-ს გაყიდვა წელს დაიწყება
ბოლომდე დამუხტულზე Semi-ს ძლიერი ვერსია 800 კილომეტრის გავლას შეძლებს.
Tesla Semi-ს დებიუტი 2017 წელს შედგა და ის გაყიდვაში 2019 წელს უნდა ჩაშვებული. თუმცა, რამდენჯერმე წარმოების შეფერხების შემდეგ, ამ ავტომობილს ბაზარზე წელს ვიხილავთ.
Tesla-ს აღმასრულებელი დირექტროის ილონ მასკის თქმით, Tesla Semi-ს კლიენტებისთვის მიწოდება წელს დაიწყება. გარდა ამისა, კომპანია უფრო დიდი გამძლეობის ვერსიასაც შემოგვთავაზებს, რომელიც 800 კილომეტრის გავლას შეძლებს. Tesla Cybertruck პიკაპი 2023 წელს გამოვა.
Wrote this 6 years ago https://t.co/r9GdXpCtZU
— Elon Musk (@elonmusk) August 10, 2022
„800კმ გამძლეობიანი Semi Truck წელს გამოვა, Cybertruck შემდეგ წელს“, - წერს მასკი.
Semi Truck-თან დაკავშირებით ჯერ კიდევ რამდენიმე პასუხგაუცემელი კითხვაა. მაგალითად, ჯერ არც ფასი ვიცით და არც ბატარეის ტიპი. ის კი ცნობილია, რომ Semi-ს უკანა ღერძზე ოთხი ელექტრო მოტორი აქვს. ვერსიის მიხედვით, ავტომობილი 483 ან 804 კილომეტრის გავლას შეძლებს.
Tesla Semi ტესტირებებისას რამდენჯერმე შენიშნეს. როგორც ამბობენ, ეს ავტომობილი ნევადაში Gigafactory 1-ში აიწყობა. თუმცა, მისი წარმოება ოფიციალურად ჯერ არც ერთ ქარხანაზე არ არის მიწერილი და „განვითარების პროცესში მყოფის“ სტატუსი აქვს.
