IIHS-მა ცნობილი ქროსოვერები ახალი მეთოდით შეამოწმა | გამოცდა მხოლოდ ერთმა ჩააბარა

IIHS-ის მიერ მხარდაჭერილმა არაკომერციულმა ორგანიზაციამ ცოტა ხნის წინ რამდენიმე პოპულარული ქროსოვერის უსაფრთხოება გამოცადა — მათ შორის არიან Audi Q3, Chevrolet Trailblazer-ი, Nissan Kicks-ი და Toyota RAV4-ი (როგორც ჰიბრიდულ, ისე დამუხტვად ჰიბრიდულ ვერსიებში).

მიუხედავად იმისა, რომ მიმდინარე თაობის დებიუტისას მან ეს ზღვარი ვერ გადალახა, განახლებულმა Nissan Kicks-მა 2026 წლის Top Safety Pick ჯილდო დაიმსახურა (რაც უმაღლეს Top Safety Pick+ სტატუსზე ერთი საფეხურით დაბალია). დანარჩენმა მოდელებმა კი ვერაფერი მიიღეს. ეს ყველაფერი IIHS-ის უსაფრთხოების ტესტის ჩატარების განახლებულმა მეთოდიკამ განაპირობა. ორგანიზაციამ ამ ტესტის პარამეტრები 2022 წელს შეცვალა, რათა უკანა მგზავრების უსაფრთხოება უკეთ გაეთვალისწინებინა (ტესტის დროს ავტომობილი ბარიერს 64 კმ/სთ სიჩქარით ეჯახება ისე, რომ ცხვირის მხოლოდ ნაწილი ეხება დაბრკოლებას). მას შემდეგ ეს ტესტი მწარმოებლებისთვის ნამდვილ გამოცდად იქცა.

თავდაპირველად Nissan Kicks-მა უდაბლესი შეფასება მიიღო, თუმცა 2026 წლის ივნისის შემდეგ გამოშვებულ მოდელებზე უკანა ღვედების კონსტრუქციაში შეტანილი ცვლილებების წყალობით, განმეორებით ტესტში იაპონურმა კომპაქტურმა ქროსოვერმა უმაღლესი დადებითი შეფასება მოიპოვა.

სრულიად საპირისპირო სურათი მივიღეთ ახალი თაობის 2026 Audi Q3-ის შემთხვევაში, რომელმაც ზომიერი გადაფარვის ტესტში უარყოფითი შეფასება მიიღო (ეს შეფასება 2027 წლის მოდელებზეც ვრცელდება). მიუხედავად იმისა, რომ ყველა სხვა კატეგორიაში მან „კარგი“ შეფასება დაიმსახურა. წესების თანახმად, ამ ჯილდოს მისაღებად წინა ზომიერი გადაფარვის ტესტში დადებითი შედეგის დაფიქსირება სავალდებულოა.

ასევე იხილეთ:  როგორ შექმნა კარლ ბენცის მოსწავლემ Audi?

მსგავსი ბედი გაიზიარა (ასევე განახლებულმა) 2026 Toyota RAV4-მაც, რომელიც ყველა სხვა პარამეტრში შესანიშნავი იყო, გარდა ამ უკანასკნელი გამოცდისა. სტანდარტული ჰიბრიდული ძრავით აღჭურვილი RAV4-ის შეფასება „მისაღები“ აღმოჩნდა, ხოლო დამუხტვადმა ჰიბრიდულმა ვერსიებმა კიდევ უფრო დაბალი — „ზღვრული“ შეფასება მიიღეს. წარუმატებელი აღმოჩნდა Chevrolet Trailblazer-იც, რომელმაც არა მხოლოდ ზომიერი გადაფარვის ტესტი ჩააფლავა, არამედ დაბალი შეფასებები დაიმსახურა მაშუქების ეფექტურობისა და შეჯახების პრევენციის ტექნოლოგიების კატეგორიებშიც.