Mansory Edition Cullinan-ს მსოფლიოში ყველაზე ძვირადღირებული სანომრე ნიშანი აქვს

გასაკვირი არაა, რომ მსოფლიოში ყველაზე ძვირი სანომრე ნიშანი მსოფლიოში ერთადერთ Mansory Edition Cullinan-ს აქვს.

დუბაის სანომრე ნიშანი P 7 გასულ წელს აუქციონზე $15 მილიონად გაიყიდა. ახლა კი ის Mansory Edition Cullinan-ზე შენიშნეს.

ალბათ გაინტერესებთ, რატომ გადაიხადა ვიღაცამ სანომრე ნიშანში ამხელა თანხა. აუქციონმა One Billion Meals კამპანიის ფარგლებში $27 მილიონის მოგროვება შეძლო. ამ კამპანიის მიზანი გლობალურ შიმშილთან ბრძოლაა.

ახლა კი მსოფლიოში ყველაზე ძვირადღირებული სანომრე ნიშანი Mansory Edition Cullinan-ზე შენიშნეს.

ამ ავტომობილს ზედმეტსახელად Mansory Linea D’Oro ჰქვია, რადგან 24-კარატიანი ოქროთია გაფორმებული.

Cullinan-ის გული 6.7-ლიტრიანი ტვინ ტურბო V12 ძრავაა, რომელიც ჩვეულებრივ 563 ცხენის ძალას გამოიმუშავებს, მაგრამ Mansory-მ ცხენის ძალების რაოდენობა 600-მდე გაზარდა.

ავტომობილის კიდევ ერთი მშვენება 24-იანი დისკებია.

მოკლედ რომ ვთქვათ, ამ ავტომობილის ქუჩაში გამოჩენა ისედაც უკვე ყველასთვის დასამახსოვრებელი იქნებოდა. ასეთი სანომრე ნიშნით, კი ეს Cullinan-ი კიდევ უფრო გამორჩეულია.