BMW ამჯერად X4-ის წარმოებას წყვეტს

BMW X4-ის მომავლის შესახებ ეჭვები ჯერ კიდევ გასულ წელს გაჩნდა. მაშინ, როდესაც გერმანულმა ავტომწარმოებელმა ბევრად უფრო დიდი ზომის, მეორე თაობის X2 გამოუშვა. შარშანდელ კითხვებზე კი პასუხი მხოლოდ ახლა მივიღეთ: X4-ის წარმოება შეჩერდება.

როგორც ერთ-ერთი უმსხვილესი გერმანული ავტომწარმოებელი თავადვე აღნიშნავს, X4-ის ადგილი კომპანიის პროდუქციის ხაზში უბრალოდ აღარაა. განსაკუთრებით კი მა შემდეგ, რაც X2-ის ზომა ასე გაიზარდა. პარალელურად, ამ ორ მოდელს შორის ფასის სხვაობაც მინიმუმამდე შემცირდა და X4-ის წარმოებაში დატოვების აუცილებლობაც გაქრა. ასე რომ, ვისაც უფრო დიდი ზომის SUV-ის შეძენა მოუნდება, შეუძლია X6-ზე გადავიდეს.

BMW გულდაწყვეტილ მომხმარებლებსაც ამშვიდებს - ასეთები საერთოდაც თუ არსებობენ - და მათ, ალტერნატივად განახლებულ X3-ს სთავაზობს. ეს უკანასკნელი X2-ისგანაც მნიშვნელოვანი გაუმჯობესებებით გამოირჩევა. თუ წინა ამძრავ პლატფორმაზე დაფუძნებული X2-ის კაპოტქვეშ 4-ცილინდრიანი ძრავაა მოთავსებული, X3-ის უკანა ამძრავი მოდელი M50 - 6-ცილინდრიანი ძრავითაა აღჭურვილი. რა გასაკვირია, რომ X3 გასულ წელს, BMW-ს ყველაზე გაყიდვად მოდელადაც იქცა.

ამ ეტაპზე უცნობია, თუ როდის შეწყვეტს გერმანული ავტომწარმოებელი წარმოებიდან X4-ის სრულად ამოღებას. თუმცა ის ფაქტი, რომ ახალი X3-ის მიწოდება წლის ბოლოსთვის იგეგმება გვაფიქრებინებს, რომ X4-ს დიდი ხნის სიცოცხლე აღარ დარჩენია. ნაკლებად სავარაუდოა, რომ BMW მოდელს 2025 წელსაც გამოუშვებს.

ისიც უნდა აღინიშნოს, რომ X4-ისთვის X2 დიდად კარგი ალტერნატივა არაა, თუმცა, ამ მოდელების მომხმარებლები ალბათ უკანა და წინა ამძრავს შორის დიდ განსხვავებას მაინც ვერ დაინახავენ. ასე რომ ეს მიდგომა წარუმატებელ ცდადაც წინასწარვე ვერ ჩაითვლება.