Tesla-ს მფლობელმა Model Y „ჰიბრიდად“ აქცია და ბენზინზე გადაიყვანა

დღესაც კი, როდესაც აშშ-ისა და ევროპის უმეტეს ნაწილზე ელექტრომობილების დასამუხტი ობიექტები მრავლადაა, EV-ებით გადაადგილება დიდ პრობლემა აღარ წარმოადგენს. თუმცა, მსოფლიოს სხვა ნაწილში დასამუხტ ობიექტებზე წვდომა არც თუ ისე მარტივია. ამ ფაქტით შეშინებული მფლობელები კი, როგორც ჩანს, სხვადასხვა ხერხს მიმართავენ.

Tesla-ს ერთ-ერთმა მფლობელმა, რომელიც ტიბეტის დაუსახლებელ რაიონებში მიემგზავრებოდა, ელექტრომობილის დიაპაზონის გასაზრდელად უცნაურ ხერხს მიმართა. გეგმა „მარტივი“ იყო: მძღოლს სურდა Model Y-ით უფრო მეტი კილომეტრი დაეფარა, ვიდრე ჩვეულებრივ და ის უხეშად რომ ვთქვათ, ჰიბრიდად ექცია. ამისათვის მან SUV-ს უკანა ნაწილზე ბენზინის გენერატორი დაუმონტაჟა, თანაც საკუთარი სანომრე ნიშნით, რათა კანონის ფარგლებში დარჩენილიყო.

მიუხედავად იმისა, რომ ეს მოდელის სწრაფ დამუხტვას ვერ შეესაბამებოდა, მფლობელმა აღმოაჩინა, რომ 5,300 მეტრის სიმაღლეზეც კი ის 3 კვტ სიმძლავრეს ამუშავებდა. ეს მანქანას საათში დაახლოებით 12 მილს (19 კმ) გასავლელ მანძილს მატებდა. თუმცა, როგორც Car News China ამბობს, ეს მიდგომა ალტერნატივად არ გამოდგება, რადგან მას Model Y-ის დამუხტვა მოძრაობის დროს არ შეუძლია.

მფლობელი, რომელიც @Xiaomo-ს სახელითაა ცნობილი, აცხადებს, რომ გენერატორისთვის 390$-ის გადახდა მოუწია. ეს უკანასკნელი, ყოველ გავლილ მილზე, რაც დაახლოებით 1.6 კილომეტრია, 22 ცენტის ბენზინს მოიხმარდა. გამოდის, რომ Tesla-ს ბენზინზე მუშაობა უფრო ძვირი ჯდება, ვიდრე ელექტროენერგიაზე. თუმცა, როგორც მისი მფლობელი ამბობს, თანხის გადახდა უკეთესია, ვიდრე უკაცრიელ ადგილას, გამორთული ელექტრომობილით დარჩენა.