გამოიცნობთ, ვის ეკუთვნოდა ყველაზე ძვირად ღირებული 400 ცხ.ძ-იანი BMW Z8?

BMW Z8 ერთ-ერთი ყველაზე ექსკლუზიური მანქანაა, რომელიც გერმანულმა ბრენდმა ბოლო ათწლეულების განმავლობაში შექმნა. ეს მოდელი მსოფლიოს 1997 წლის ტოკიოს ავტოშოუზე, როგორც კლასიკური BMW 507-ის ნამდვილი მემკვიდრე, წარუდგინეს. ცნობისთვის, ეს უკანასკნელი ერთ დროს ლეგენდარულ ელვის პრესლის ეკუთვნოდა და ახლა, 2 მილიონ ევროდაა შეფასებული.

რაც შეეხება BMW Z8-ს, მას დახვეწილი ექსტერიერის გარდა, წარმოუდგენელი შესაძლებლობებიც გამოარჩევდა. მოდელი 4.9-ლიტრიანი ატმოსფერული V8 ძრავის წყალობით 400 ცხენის ძალას გამოიმუშავებდა. შედეგად კი, 0-დან 100-მდე 4.7 წამში ჩქარდებოდა. მაქსიმალური სიჩქარე ელექტრონულად შეზღუდული იყო 250 კმ/სთ-ით შემოიფარგლებოდა. ყველაზე პოპულარული კი, ეს მოდელი მაშინ გახდა, როდესაც ის  პირს ბროსნემმა ჯეიმს ბონდის როლისთვის 1999 წლის ფილმში - The World Is Not Enough- გამოიყენა.

BMW მისი გამოშვების თანავე დარწმუნებული იყო, რომ მოდელი მომხმარებელში დიდ ინტერესს აღძრავდა. თუმცა მოთხოვნამ ყველანაირ მოლოდინს გადააჭარბა. 1999-დან 2003 წლამდე მათ მხოლოდ 5 703 ერთეული Z8 აწარმოეს და იძულებულნიც გახდნენ, მხოლოდ საუკეთესო მომხმარებლების შეკვეთები მიეღოთ. მოდელის გარეშე დარჩენილ პირებს კი, უბრალოდ, ბოდიში მოუხადეს.

დღესდღეობით, გარბენის მიუხედავად, 200 000 ევროზე ნაკლებ ფასად Z8-ის პოვნა შეუძლებელია. რეალურად, ყველა მოდელი, როგორც წესი, 275 000-დან 275 000 ევრომდე იყიდება. თუმცა, მოდელი, რომელსაც თქვენ ხედავთ 28 ივნისს Aguttes-ის მიერ ჩატარებულ აუქციონზე 322 260 ევროდ გაიყიდა. ეს არის ყველაზე მაღალი ფასი, რაც კი ოდესმე Z8-ის შემთხვევაში გვინახავს.

მიზეზი კი ის არის, რომ ეს მანქანა მონაკოს პრინც ალბერტს ეკუთვნოდა - არა ორი ან სამი წლის განმავლობაში, არამედ 2008 წლამდე. როგორც ჩანს, მას პრინცი რეგულარულად იყენებდა, რადგან მონაკოში მისი მართვის მიუხედავადაც, გაყიდვის პერიოდისთვის მოდელს 27 950 კმ ჰქონდა გავლილი.