ავტოინდუსტრია ევროპის კავშირისგან CO2-ის რეგულაციის გადავადებას ითხოვს | შეიცვლება თარიღი?

ევროპის კავშირის გადაწყვეტილებით, 2035 წლიდან შიგაწვის ძრავაზე მომუშავე ავტომობილების წარმოება სრულად უნდა აიკრძალოს. ეს მიდგომა ნახშირბადნეიტრალიტეტის მიღწევის მიზანს ემსახურება, რის შედეგადაც CO2-ის გამონაბოლქვი, ავტომობილებიდან, მინიმუმამდე უნდა შემცირდეს.

რეგულაციები მკაცრია და თუ წარსულში მას ბევრი ემხრობოდა, სამიზნე თარიღის მოახლოებასთან ერთად ბევრი კრიტიკოსი გამოუჩნდა. მათ შორის, ავტოინდუსტრიიდან. ახლა უკვე, საავტომობილო ჯგუფები და ასოციაციები, ცალკეულ ავტომწარმოებლებთან ერთად, ევროპის კავშირს სამიზნე თარიღის გადაწევას და რეგულაციების შემსუბუქებას სთხოვენ.

ავტომწარმოებლებისა და მიმწოდებლების ასოციაციების წარმომადგენლების განცხადებით, 2035 წლისთვის დათქმული გეგმების შესრულება შეუძლებელი იქნება. ამასთან დაკავშირებით, სექტემბრის თვეში ევროპის კომისიის პრეზიდენტთან შეხვედრაც გაიმართება. მხარეები ინდუსტრიის მომავალზე, ასევე ჩინეთიდან გაზრდილ კონკურენციასა და აშშ-ის ტარიფებზე იმსჯელებენ.

ლეიენისადმი გაგზავნილ წერილში, Mercedes-Benz-ის აღმასრულებელმა დირექტორმა ოლა კალენიუსმა და Schaeffler AG-ის ძრავებისა და შასის განვითარების განყოფილების აღმასრულებელმა დირექტორმა მათიას ცინკმა განაცხადეს, რომ ისინი ერთგულნი რჩებიან გეგმის, რომელიც 2050 წლამდე ნულოვანი გამონაბოლქვის მიზნის მიღწევას ითვალისწინებს. მაგრამ აღნიშნეს, რომ 2035 წლისთვის ამის შესრულება უბრალოდ შეუძლებელია.

თუმცა მათივე განცხადებით, ევროპა ამჟამად აზიაზე მნიშვნელოვნადაა დამოკიდებული, მათ შორის ბატარეებისა და დასამუხტი პორტების ინფრასტრუქტურისთვის. ელექტრომობილებს ორგანიზაციის ახალი ავტომობილების ბაზრის დაახლოებით 15%-იანი წილი უჭირავთ, ფურგონებისთვის კი - 9%.