ცერემონიის ისტორიაში პირველად: World Car Awards 2020-ის გამარჯვებულები ინტერნეტით გამოცხადდება

კორონავირუსის პანდემიის გამო, წელს ღონისძიების ისტორიაში პირველად, World Car Awards-ის ცერემონიის გამარჯვებულები ციფრულად გამოცხადდება.  

ტრადიციულად, World Car Awards-ის ცერემონია ნიუ იორკის ავტოშოუზე იმართება. მიმდინარე მოვლენების გათვალისწინებით, შოუ გაუქმდა. ხუთი ნომინაციის ყველა ფინალისტი რამდენიმე თვის წინ გამოვლინდა. ჩვენ ხუთივე ნომინაციის ფინალისტებს გაგაცნობთ:

ცერემონიის მთავარი ჯილდო „წლის ავტომობილია“. კონკურენცია წელს ბევრად მაღალი იყო, ვიდრე შარშან. ამ ნომინაციის ტოპ 3 ავტომობილია: Kia Telluride, Mazda CX-30 და Mazda3.

„მსოფლიოს ყველაზე ელიტური ავტომობილის“ ნომინაციაში ასევე დიდი კონკურენცია იყო. ამ შემთხვევაში ტოპ 3 ავტომობილში  Mercedes-Benz EQC, Porsche 911 და Porsche Taycan-ი მოხვდნენ.

ერთ-ერთი პოპულარული ნომინაციაა „წლის ურბანული ავტომობილი“ არჩევანის გაკეთება ამ სეგმენტშიც რთული იყო, თუმცა ტოპ 3-ამდე Kia Soul EV-მ, Mini Electric-მა და Volkswagen T-Cross-მა მიაღწია.

„მსოფლიოს საუკეთესო შესრულების ავტომობილი“ წლების განმავლობაში ყველაზე წარმატებული ნომინაციაა და უამრავი საუკეთესო ავტომობილი წარმოგვიდგინა. ტოპ 3 ნომინამტამდე დაყვანა ამ შემთხვევაშიც რთული იყო, თუმცა „პორშემ“ პირველობა არავის დაუთმო და ფინალისტების სია ასეთია: Porsche 718 Spyder/Cayman GT4,  911, და Taycan electric sports.

„მსოფლიოს საუკეთესო დიზაინის ავტომობილის“ შერჩევა ყოველთვის რთულია. დიზაინი 7-მა ექსპერტმა შეაფასა და მათ საბოლოდ უპირატესობა ამ სამ ავტომობილს მიანიჭეს: Mazda3, Peugeot 208 და Porsche Taycan-ი.

დაჯილდოება 8 აპრილს გაიმართება და ამ ხუთ ნომინაციაში გამარჯვებულები გამოცხადდება.