Aa Aa
28 მარტი 2023  |  13:19

Lexus ISF-ის გალაშქრება BMW M3-ის წინააღმდეგ

იაპონური ავტოწარმოება დანარჩენ მსოფლიოსთან ბრძოლას ყოველთვის დიდი მონდომებით ცდილობდა. მათთვის გერმანულ ავტოსამყაროსთან დაპირისპირება ყოველთვის პრინციპული, ხოლო ჩვენთვის კი საინტერესო საყურებელი იყო. ამ სტატიაში ლეგენდარული BMW M3-ის კონკურენტს, LEXUS ISF-ს გავიხსენებთ.

2008 - LEXUS IS-F | Fabricante LEXUS | PlanetCarsZ

დღევნადელი ჩვენი გმირი 2007 წელს გამოჩნდა. თავდაპირველად, ის მხოლოდ იაპონიის შიდა ბაზარზე იყიდებოდა და 2008 წელს საზღვრებს გარეთაც გაილაშქრა. ეს ის პერიოდია, როდესაც BMW-მ E90-ის ბაზაზე აწყობილი M3 გამოუშვა. LEXUS-ის წარმომადგენლები ღიად აცხადებდნენ, რომ მათი ავტომობილი M3-ის პირდაპირი კონკურენტი იქნებოდა. მიუხედავად იმისა, რომ Lexus-ი 110 კილოგრამით მძიმე იყო, მონაცემები ნამდვილად შთამბეჭდავი ჰქონდა. 100-მდე ასაჩქარებლად 4.6 წამი საკმარისი იყო, M3-ს კი 4.8 წამი სჭირდებოდა. ეს ყველაფერი ძრავის მიერ გამომუშავებული მაბრუნი მომენტის დამსახურება იყო. M3-თან შედარებით, Lexus-ის ძრავას 120 ნიუტონით მეტი ჰქონდა, ეს მაჩვენებელი კი აჩქარებაში გადამწყვეტ როლს თამაშობდა. მაბრუნი მომენტი მაღალი ნიშნული 5-ლიტრიანი ძრავის დამსახურება იყო, მაშინ, როდესაც M3-ს 4-ლიტრიანი ძრავა ჰქონდა. ცხენისძალებში სრული მზაობა იყო. ამ მხრივ, ორივე ავტომობილის შესაძლებლობა 420 ცხენისძალის გარშემო ტრიალებდა. აქვე უნდა აღინიშნოს, რომ LEXUS-ს 8-სიჩქარიანი, ხოლო M3-ს 7-სიჩქარიანი გადაცემათა კოლოფი ჰქონდა.

Lexus IS-F road test review | evo

დასაწყისისთვის საერთო მდგომარეობა ისე ჩანდა, რომ თითქოს BMW უნდა შეშინებულიყო, მაგრამ როდესაც ამ ყველაფრის რეალურ დროში გასინჯვის დრო დადგა, BMW-იმ ის გააკეთა, რაც ყოველთვის საუკეთესოდ გამოსდიოდა. ტრეკზე და მართვის ნებისმიერ ტესტში ბავარიელი აშკარა ლიდერი იყო. M3 უფრო სპორტული ავტომობილი აღმოჩნდა ვიდრე ISF-ი.

Lexus ISF - ReDriven

ბოლოსთვის უნდა გითხრათ, რომ ამ მოდელის გაყიდული ერთეულების უმრავლესობას ტრეკი ნანახიც კი არ აქვთ, ამიტომ ყოველდღიური მოხმარებისთვის LEXUS-ი ძალიან მომხიბვლელია. მას შედარებით კომფორტული სვლა აქვს და ძირითადი აგრეგატების მიმართ ძალიან დიდი საიმედოობით სარგებლობს, ამ ნიუანსებს კი ყოველდღიური მოხმარებისთვის ხშირ შემთხვევაში გადამწყვეტი მნიშვნელობა აქვს.  

გაზიარება: