ელექტრომობილები იმდენხანს ცოცხლობენ, რამდენსაც ტრადიციული მანქანები | კვლევა
უახლესი კვლევის თანახმად, ელექტრომობილების „სასიცოცხლო ხანგრძლივობა“ ტრადიციული - ბენზინსა და დიზელზე მომუშავე - ავტომობილების ხანგრძლივობას გაუთანაბრდა. ამავდროულად, ახალი ელექტრომობილები, ბოლო დროს, უფრო სანდო ვარიანტებად სახელდება. ანგარიში ბირმინგემის უნივერსიტეტის მკვლევართა მიერაა შედგენილი და 300 მილიონზე მეტ ჩანაწერსა და 30 მილიონი ავტომობილს აერთიანებს.
ანგარიში Nature Energy-ის ჟურნალში გამოქვეყნდა. შედეგები, უკანასკნელ წლებში, ელექტრომობილების სწრაფი განვითარების პირდაპირი მტკიცებულებაა. მიუხედავად ამისა, ანგარიშის ავტორთა გაფრთხილებით, ავტომობილების გრძელვადიანი პოტენციალის შესაფასებლად დამატებითი კვლევები საჭიროა. ანგარიში ანონიმური MOT-ის სატესტო სისტემას ეფუძნება, რომელმაც მკვლევრებს 2005-2022 წლის მონაცემების გამოყენების საშუალება მისცა. ეს ჩანაწერები დეტალურ ინფორმაციას იძლევა ავტომობილების სასიცოცხლო ციკლის შესახებ.
„მიუხედავად იმისა, რომ BEV-ები შედარებით ახალი ტექნოლოგიაა და ტრადიციულად, ნაკლებად საიმედოდ აღიქმება, ისინი სწრაფი ტემპით განვითარდნენ და ახლა უკვე უტოლდებიან ბენზინზე მომუშავე ავტომობილების შესაძლებლობებს“.
კვლევის ერთ-ერთი გამორჩეული დასკვნა არის ის, თუ რამდენად სწრაფად გაუმჯობესდა ბატარეის ელექტრო მანქანები საიმედოობის თვალსაზრისით. კვლევამ აჩვენა, რომ ყოველწლიურ წარმოებაში, წარუმატებლობის ალბათობა 12%-ითაა შემცირებული: სხვა სიტყვებით რომ ვთქვათ, თუ თქვენ განიხილავთ BEV-ს შეძენას, შანსი იმისა, რომ ის არ „ხელში არ ჩაგაკვდეთ“, მკვეთრად უფრო მაღალია ყოველი ახალი მოდელის გამოშვებასთან ერთად.
ანგარიშის თანაავტორებმა კვლევის დასკვნები დადებითად შეაფასეს და აღნიშნეს, რომ მათი დასკვნები იძლევა კრიტიკულ ინფორმაციას ელექტრო მანქანების სიცოცხლის ხანგრძლივობასა და გარემოს ზემოქმედებაზე. BEV-ები არის სიცოცხლისუნარიანი და მდგრადი ალტერნატივა ტრადიციული მანქანებისთვის - მნიშვნელოვანი ნაბიჯი ნახშირბადის წმინდა ნულოვანი მომავლის მისაღწევად.
შედარებისთვის, ბენზინის მანქანებს, როგორც წესი, აქვთ ოდნავ მეტი სასიცოცხლო ხანგრძლივობა, საშუალოდ 18.7 წელი, მაგრამ ისინი გადიან ნაკლებ მანძილს, დაახლოებით 87 000 კმ-ს საშუალოდ. დიზელის მანქანებს, საპირისპიროდ, აქვთ უფრო მოკლე სასიცოცხლო ხანგრძლივობა 16.3 წელი, მაგრამ ანაზღაურებენ მნიშვნელოვნად მაღალი გარბენით, რომელიც ხშირად დაახლოებით 410 000 კმ-ს აღწევს. ეს, რა თქმა უნდა, საშუალო მაჩვენებლებია, ასე რომ, შესაძლოა, თქვენი გარბენი ამ მონაცემისგან განსხვავდებოდეს.
