Cybertruck-მა, სავარაუდოდ, Lambo-სთან რბოლისას ცხრა ავტომობილი შეიწირა
გავრცელებული ინფორმაციით, Tesla Cybertruck-ი და Lamborghini Urus-ი მაიამიში, ერთ-ერთი ქუჩაზე გადაადგილდებოდნენ, რა დროსაც ელექტრომობილი არა ერთ, არამედ ცხრა გაჩერებულ ავტომობილს შეეჯახა. ზუსტი ინფორმაცია ავარიის შესახებ არ არსებობს, თუმცა როგორც თვითმხილველები აცხადებენ Cybertruck-ი Lambo-სთან რბოლაში ჩაერთო და იქვე მდგომი მანქანები შეიწირა.
მიუხედავად იმისა, რომ გამომწვევ მიზეზთან დაკავშირებით დასაბუთებით არაფრის თქმა შეგვიძლია, ერთი რამ მაინც ფაქტია: Cybertruck-ს დიდი ზიანის მიყენება შეუძლია. ავარია კვირა დილით, შუაღამის შემდეგ მოხდა. Google Street View-დან ჩანს, რომ გზა შედარებით ვიწროა და მანქანები ცალმხრივი ქუჩის ორივე მხარეს არიან გაჩერებულები.
View this post on Instagram
სოციალურ ქსელში გამოქვეყნებულ ვიდეოებში მხოლოდ ელექტრომობილის მიერ მიყენებული ზიანი ჩანს. Only In Dade-ის მიერ გამოქვეყნებულ ვიდეოში მარჯვენა მხარეს მდგომი, დაზიანებული მანქანები ჩანს. რიგის დასაწყისში Toyota Corolla-ა, ასევე Kia Sportage, რომლის უკანა ნაწილი ფაქტობრივად განადგურებულია. ვიდეოში Cybertruck-იც ჩანს, ფირუზისფერი ბორბლებით, თუმცა უცნობია რატომ დაკარგა მისმა მძღოლმა საჭეზე კონტროლი.
დაზიანებული Suzuki-ს მფლობელის განცხადებით, Cybertruck-ი ავარიამდე Urus-ს ეჯიბრებოდა, თუმცა საჭე ვერ დაიმორჩილა და დაპარკინგებულ ყველა მანქანას შეეჯახა. ამ ეტაპზე, სამართალდამცველებს მომხდარის შესახებ განცხადება არ გაუკეთებიათ. რაც მთავარია, ავარიის შედეგად არავინ დაშავებულა.
