მომდევნო დღეებში თბილისში საავტომობილო მოძრაობა შეიზღუდება

მომდევნო დღეებში, დაგეგმილი საგზაო სამუშაოების გამო, თბილისის რამდენიმე ქუჩაზე საავტომობილო მოძრაობა ნაწილობრივ შეიზღუდება. ინფრასტრუქტურულ სამუშაოებთან დაკავშირებული შეზღუდვები დედაქალაქის ქუჩებში 16 აგვისტოს 00:00 საათიდან მომდევნო ექვსი დღის განმავლობაში იმოქმედებს. 

ოფიციალური განცხადების თანახმად: „16 აგვისტოს 00:00 საათიდან, მომდევნო ექვსი დღის განმავლობაში, მთაწმინდის რაიონში, თამარ ჭოველიძის ქუჩიდან მეტროსადგურ „რუსთაველამდე“ არსებულ საგზაო მონაკვეთში ავტოტრანსპორტის მოძრაობა ნაწილობრივ შეიზღუდება“.

- ამავდროულად: „16 აგვისტოს, 08:00 საათიდან, ოთხი დღის განმავლობაში, ჭაბუა ამირეჯიბის გზატკეცილზე გმირთა მოედნის მიმართულებით, “საქართველოს რაგბის კავშირისა” და წრიულ საავტომობილო კვანძთან ვაკე-საბურთალოს პოლიციის მიმდებარე ტერიტორიაზე, საავტომობილო მოძრაობა გზის სავალი ნაწილის მხოლოდ ერთ ზოლში შეიზღუდება.“