Charger Daytona-ს მფლობელის განცხადებით, მისი ახალი მანქანა „პრაქტიკულად უსარგებლოა“

ელექტრომობილების ბაზარზე Daytona-ს წარდგენით, Dodge ალბათ იმ შედეგებს არ იმედოვნებდა, რომელიც საბოლოოდ მიიღო. დიდად აღფრთოვანებული საყვარელი მოდელის გაელექტროებით ვერც მძღოლები დარჩნენ და ეს, მონაცემებშიც აისახა.

მიმდინარე წლის პირველ კვარტალში, აშშ-ისა და კანადაში ამ მოდელის მხოლოდ 2 115 ეგზემპლარი გაიყიდა, რამაც Dodge-მა აიძულა R/T-ის საბაზისო ვერსიის წარმოება შეეწყვიტა. და სულ მცირე ერთი მფლობელისთვის მაინც, როგორც აღმოჩნდა, ეს დიდი პრობლემების მიზეზი გახდა.

ეს კონკრეტული Charger R/T Daytona, რომელიც ერთი შეხედვით შესანიშნავად გამოიყურება, ამჟამად იჯარითაა გაცემული. არსებულმა მფლობელმა ის მაისში Wetzel Dodge-ის ქარხნიდან გამოიყვანა და მას შემდეგ, პრობლემები არ დასრულებულა. ახლა კი, მფლობელი მას "პრაქტიკულად უსარგებლოს" უწოდებს.

ყველაზე დიდი იმედგაცრუება საბარგულშია. საბარგული არ იღება და პირველივე დღიდან არ მუშაობს. საინტერესოა, რომ არც სალონშია რაიმე ღილაკი, რომელიც მანქანის საბარგულს ავტომატურად გააღებს.

ამის ნაცვლად, მისი გახსნის ერთადერთი გზა უკანა გაბარიტულ ფარზე პატარა რეზინის ღილაკის დაჭერაა. თუმცა არც ეს ღილაკი მუშაობს და ნივთების საბარგულში ჩასადებად კარების გაღება ხდება საჭირო - უკანა სავარძლების დაწევა და ნივთების უკან გადაგდება.

თუმცა პრობლემები საბარგულით არ სრულდება. მფლობელის განცხადებით, მფლობელის კარი იმდენად ცუდადაა განლაგებული, რომ ის პანელს ეხება და საღებავსაც კი აფუჭებს. როგორც ამბობს, მან სადილეროს არაერთხელ მიმართა, თუმცა მათგან მანქანის გაკეთებაზე უარი მიიღო.