მექანიკური კოლოფის მქონე Nismo-ები წარსულს ჩაბარდა? | Nissan-ი წარმოებას მკვეთრად ამცირებს

ერთი შეხედვით, Nissan Z-ისთვის 2025 წელი ცუდი არ ყოფილა — ყოველ შემთხვევაში, ქაღალდზე. Nissan-მა ამ მოდელის 5 487 ეგზემპლარი გაყიდა, რაც გასულ წელთან შედარებით 74%-ით მეტია და თითქმის ორჯერ აღემატება კონკურენტ Toyota Supra-ს გაყიდვებს. ეს შთამბეჭდავი იმპულსია ბრენდისთვის, რომელსაც არცთუ ისე დიდი ხნის წინ სტაბილური პოზიციის პოვნა უჭირდა. თუმცა ამ შედეგების მიუხედავადაც, Nissan-ი მომავალი თაობის მოდელებისთვის სტრატეგიას მნიშვნელოვნად ცვლის.

კერძოდ, მომავალი 2027 წლის (მოდელის წელი) მოდელისთვის, რომელიც აშშ-ისგან განსხვავებით იაპონიაში უკვე წარადგინეს, წარმოება შემცირდება. ავტომობილები შეკვეთით დამზადდება, ხოლო მექანიკური გადაცემათა კოლოფით აღჭურვილი NISMO-ების რაოდენობა გაცილებით ნაკლები იქნება, ვიდრე ბევრი მოელოდა.

ინფორმაცია თავდაპირველად სხვადასხვა გამოცემის მიერ გავრცელდა, თუმცა მოგვიანებით Nissan-მაც დაადასტურა. ამასთან, შიდა ანონიმურმა წყარომ Carscoops-ს განუცხადა, რომ მექანიკური გადაცემათა კოლოფით აღჭურვილი Nismo-ები მთლიანი წარმოების მხოლოდ მცირე ნაწილს შეადგენენ.

როგორც ამბობენ, ავტომწარმოებელმა უკვე სადილეროებიც გააფრთხილა, რომ წარმოება ძალიან შეზღუდული იქნება. იმასაც წერენ, რომ მთელი წლის განმავლობაში თითო დილერი მხოლოდ 2–3 სტანდარტულ Nissan Z-ს მიიღებს.

Nissan-ის განცხადებით, სტრატეგიის მთავარი მიზანი მიწოდება-მოთხოვნის დაბალანსება და ჭარბი წარმოების თავიდან აცილებაა. კომპანიის ახალი გეგმა, როგორც ჩანს, წარმოების შემცირებაა, თუმცა ბევრად უფრო მკაცრი საფასო დისციპლინით.

Nissan-ის შიდა წყაროების ინფორმაციით, მექანიკური კოლოფით აღჭურვილი NISMO-ები Z-ის მთლიანი წარმოების 10%-ზე ნაკლები იქნება. თუმცა არ არის გამორიცხული, რომ 2027 წლისთვის ხელმისაწვდომი ვერსიების დიდი ნაწილი უკვე გაყიდული იყოს.