რონალდუს ასფალტი მობეზრდა და წყალზეც სპორტქარით გადაადგილდება

კრიშტიანუ რონალდუ მშობლიურ კუნძულ მადეირაზე შვებულებით არც ისე იშვიათად ტკბება ხოლმე. მიუხედავად იმისა, რომ მისი მხრიდან მხოლოდ ფეხბურთთან დაკავშირებული პოსტების ნახვას მივეჩვიეთ, 41 წლის ვარსკვლავი ზოგჯერ მოგზაურობის კადრებსაც გვიზიარებს. ამჯერად ჩვენი ყურადღება მიიპყრო ავტომობილმა, რომლითაც პორტუგალიელი ფეხბურთელი წყლის ზედაპირზე გადაადგილდება.

როგორც მოგეხსენებათ, რონალდუ ისტორიაში პირველი ფეხბურთელია, რომელმაც მილიარდერის სტატუსს მხოლოდ სპორტული კარიერითა და მასთან დაკავშირებული ბრენდული გარიგებებით მიაღწია. თუ სხვა ათლეტები, მაგალითად, მატიე ფლამინი, მილიარდერები ბიზნესის წყალობით გახდნენ, რონალდუმ ათნიშნა ქონება უშუალოდ მოედანზე შრომითა და Nike-თან თუ სხვა გიგანტებთან პარტნიორობით დააგროვა. ამით ის ისეთ ელიტურ კლუბს შეუერთდა, რომელშიც მაიკლ ჯორდანი, ტაიგერ ვუდსი, ლებრონ ჯეიმსი და როჯერ ფედერერი ირიცხებიან.

Cristiano in full family mode with Georgina and the kids ????????#cr7 #ronaldo #cristianoronaldo #cristiano #viral pic.twitter.com/QV3Ou6FyUS

— MARCA in English ???????? (@MARCAinENGLISH) March 22, 2026

ცნობილია რონალდუს გატაცება ავტომობილებითაც — მის ავტოფარეხში არაერთ  ძვირადღირებულ მოდელს ვხვდებით — მეტიც, ის ერთადერთი ვარსკვლავია, რომელიც უიშვიათეს Bugatti Centodieci-ს ფლობს. მიუხედავად ამისა, მადეირაზე დასვენებისას მან არჩევანი გაცილებით მარტივ, მაგრამ სახალისო ტრანსპორტზე შეაჩერა.

რამდენიმე თვის წინ გამოქვეყნდა ვიდეო, სადაც ის Corvette-ის ფორმის წყლის ავტომობილს მართავს. ცხადია, ეს ჩვეულებრივი მანქანა არ არის, არამედ ჩქაროსნული კატერია, რომელიც ვიზუალურად ამერიკულ სპორტულ ლეგენდას მიამსგავსეს. კარგი სიახლე ის არის, რომ რონალდუს Bugatti-სგან განსხვავებით, ასეთი „საზღვაო მანქანის“ ქირაობა თითქმის ნებისმიერ პოპულარულ კურორტზეა შესაძლებელი და ის ხელმისაწვდომ ფუფუნებას წარმოადგენს.

რონალდუსთვის მადეირა ყოველთვის იყო ადგილი, სადაც ის ენერგიას აღადგენდა. 41 წლის ასაკშიც კი, პორტუგალიელი ფანტასტიკურ ფორმაშია და მსოფლიო ჩემპიონატისთვის აქტიურად ემზადება...