ერთი შეცდომა და გამოცდაში ჩაჭრილი ხართ | შეძლებდით ჩინეთში პრაქტიკის ჩაბარებას?

ჩინეთში, მართვის მოწმობის პრაქტიკულ გამოცდაზე, ერთ-ერთი სავარჯიშო იმდენად რთულია, რომ მცირე შეცდომაც კი შესაძლოა გამოცდაში ჩაჭრის მიზეზი გახდეს. ამის დასტურია სოციალურ ქსელში გავრცელებული ვიდეო, რომელშიც ვხედავთ, რამდენად რთული მანევრების შესრულება უწევს პრაქტიკანტს მართვის მოწმობის მისაღებად. სავარჯიშო კი იმდენად რთული ჩანს, რომ მას ინტერნეტში არაერთგვაროვანი შეფასებები უკვე მოჰყვა.

ჯამში, 48 წამის ხანგრძლივობის ვიდეოში მძღოლი საგამოცდო ავტომობილს სპეციალურად დახაზულ ტრასაზე ატარებს. ვიდეო, რომელიც 2022 წლის ნოემბრით თარიღდება, ბიზნესმენმა ტანსუ იენგენმა თავდაპირველად პლატფორმა X-ზე გაავრცელა, წარწერით: „მართვის მოწმობის გამოცდის სადგური ჩინეთში“. ჩანაწერს 11 მილიონზე მეტი ნახვა ჰქონდა, თუმცა შემდგომ პლატფორმიდან წაშალეს.

ვიდეოს დასაწყისში ავტომობილს ვიწრო, ზიგზაგისებურ მონაკვეთზე უწევს გავლა. ტრასა თეთრი ხაზებითაა მონიშნული და მძღოლმა, იმისათვის, რომ გამოცდაში არ ჩაიჭრას, ხაზებზე შეხების გარეშე უნდა დაფაროს ეს ნაწილი. შემდეგი ეტაპი კიდევ უფრო რთულია — ავტომობილმა ვიწრო, 8-იანის ფორმის მონაკვეთი უნდა გაიაროს, მათ შორის, უკუსვლით.

ასეთი დავალებების შესასრულებლად მძღოლს საჭის მოძრაობის, ავტომობილის ზომებისა და ხაზებთან მანძილის განსაკუთრებული სიზუსტით კონტროლი სჭირდება. ერთი ზედმეტი მოძრაობა ან მცირედი შეცდომა და პრაქტიკანტი შესაძლოა მომენტალურად გამოცდაში ჩაიჭრას.

სოციალურ ქსელებში ვიდეოს გავრცელებას ზოგიერთი მომხმარებელი გამოცდას Fast & Furious-ის ფილმებს ან ვიდეოთამაშს ადარებდა, ზოგიც ამბობდა, რომ მსგავს სავარჯიშოს სირთულის გარეშე დაძლევდნენ. ერთ-ერთმა მომხმარებელმა ისიც დაწერა, რომ თუ მძღოლს პერიფერიული ხედვა აქვს და ავტომობილის ზომებსაც კარგად აკონტროლებს, მსგავსი დავალების შესრულება არ გაუჭირდება.

თუმცა მნიშვნელოვანია ისიც ითქვას, რომ გავრცელებულ ვიდეოში ჩინეთში მართვის პრაქტიკული გამოცდის სრული კურსი არ ჩანს. სხვადასხვა ქვეყნის მსგავსად, ჩინეთშიც გამოცდა რამდენიმე ეტაპისგან შედგება და მხოლოდ ერთ პრაქტიკულ სავარჯიშოს არ მოიცავს. როგორც ცნობილია, ჩინეთში მართვის მოწმობის გამოცდა ორი პრაქტიკული და ორი თეორიული გამოცდისგან შედგება. შესაბამისად, ვიდეოში ნაჩვენები რთული კურსი გამოცდის მხოლოდ ერთი ნაწილია.

ამ ვიდეოს ნახვის შემდეგ კი მარტივია იმის წარმოდგენა, თუ რამდენად რთული შეიძლება იყოს ჩინეთში გამოცდისთვის მომზადება. განსაკუთრებით მაშინ, როდესაც მძღოლს, უკანა სვლით, ხაზებთან შეხების გარეშე, უწევს ვიწრო, რვიანის ფორმის ტრასაზე მანქანის ტარება.

ვიდეოს ნახვის შემდეგ კი მარტივი ხდება იმის წარმოდგენა, რამდენად რთული შეიძლება იყოს გამოცდისთვის მომზადება. განსაკუთრებით მაშინ, როდესაც მძღოლს ავტომობილის უკუსვლით, ხაზებთან შეხების გარეშე, ვიწრო, რვიანის ფორმის ტრასაზე გატარება უწევს.

თქვენ რას ფიქრობთ, უნდა იყოს თუ არა მსგავსი სირთულის მართვის მოწმობის პრაქტიკული გამოცდა? ან საერთოდაც, შეძლებდით თუ არა ამ კურსის წარმატებით გავლას?