როგორ უნდა გადავუღოთ ავტომობილს საუკეთესო ფოტო Instagram-ისთვის?

გიყვართ მობილურით სურათების გადაღება? სელფებისა და საკვების გადაღებაზე მეტის ცდა გსურთ? აი, როგორ უნდა აიყვანოთ „ინსტაგრამისთვის“ ავტომობილების ფოტოგრაფია სრულიად ახალ დონეზე.

პროფესიონალ ფოტოგრაფთან ჯულიან კალვერლისთან თანამშრომლობით, Skoda-მ საუკეთესო ფოტოების გადასაღებად რამდენიმე რჩევა გამოაქვეყნა.

გადაღება მანამდე ბევრად ადრე იწყება, სანამ ტელეფონში კამერას გახსნით. უპირველეს ყოვლისა, ფოტოს გადასაღებად სწორი ადგილი უნდა შეარჩიოთ.

ამ სტატიაში 5 რჩევას შეხვდებით, რომელიც კალვერლის მტკიცებით „ინსტაგრამის“ სურათებს გააუმჯობესებს.

1. უფრო დიდი სურათი დაინახეთ: დარწმუნდით, რომ თქვენი შერჩეული სურათი შემცირებული გამოსახულებისთვის გამოდგება. შეარჩიეთ დრამატული ადგილები და გამოიყენეთ მესამედის წესი. წარმოსახვით დაყავით გამოსახულება 9 მართკუთხედად. საბედნიეროდ, ზოგ ტელეფონს ეს ფუნქციაც აქვს.
2. დილით ადრე დაიწყეთ და მიჰყევით მზის ამოსვლას: ფოტოგრაფები ამას „ოქროს საათს“ ტყუილად არ უწოდებენ. განთიადი და მზის ჩასვლა ფოტოგრაფიისთვის სასურველ განათებას ქმნის. შუადღე კამერისთვის ზედმეტად ნათელი და მგრძნობიარეა.
3. შესანიშნავი ამინდი ზოგჯერ საერთოდ არ არის შესანიშნავი: მოწმენდილმა ცამ შესაძლოა, ფოტო გააფუჭოს. ოდნავ მოღრუბლული ან ცოტათი წვიმიანი დღე ფოტოგრაფის მეგობარია.
4. შეარჩიეთ საუკეთესო კუთხე: იარეთ ავტომობილის გარშემო. არ მიაახლოოთ კადრი. პატარა ცვლილებამ შესაძლოა დიდი სხვაობა გამოიწვიოს.
5. თვალები ავტომობილებსაც აქვს: მაშუქები კარგი ფოკუსია. თუ ავტომობილს წინიდან უღებთ, მხოლოდ გვერდითა სინათლეები გამოიყენეთ. თუ შორიდან უღებთ, ჩართეთ მაშუქები.

ჯულიანის მტკიცებით, ასე „ინსტაგრამისთვის“ იდეალურ ფოტოს გადაიღებთ. წარმატებები!