Mercedes, BMW, Audi, M1, 1-series, 1-სერია, M135, Audi S3 Sportback, Mercedes-AMG A45
Aa
Aa

რა შესაძლებლობები აქვს BMW-ის ახალ „პირველ სერიას“?

მიმდინარე წელს, ევროპის ბაზარზე, რამდენიმე ახალ ავტომობილს ვიხილავთ. Audi S3 Sportback-ისა და Mercedes-AMG A45-ის გარდა, ძალიან მალე ხელმისაწვდომი BMW-ის ახალი პირველი სერიაც იქნება, თუმცა მხოლოდ ევროპის რეგიონისთვის, და არა ამერიკისთვის.

ახალ M135i-ში ექსტერიერის მინიმალური ცვლილებებით მარტივია იმის თქმა, რომ მოდელი სწორედ BMW-ს „პირველ სერიას“ განეკუთვნება. პირველი გარეგნული ცვლილება, რომელიც თვალშისაცემია მანქანის ბევრად მკვეთრი ფარები და X2-ის დიზაინის უკანა გაბარიტული ფარებია. ახალ მოდელს X1 M35i-ისა და X2 M35i-ის ოთხკუთხედი ფორმის გამონაბოლქვი სისტემაც აქვს და სხვა მახასიათებლებითაც - მათ შორის მანქანის „თირკმელისებრი“ ცხაურით - გერმანული მარკის დიზაინის უახლესი ტენდენციების ნაკრებია.

თუმცა, ერთ-ერთი ყველაზე მნიშვნელოვანი ფაქტი ახალ M135-ში მისი M1 ემბლემაა. მანქანის უკანა ნაწილზე ემბლემის სიმბოლოზე მხოლოდ M135 წერია, წინამორბედებისგან განსხვავებით - „i“-ის აღნიშვნის გარეშე. საინტერესოა ისიც, რომ ახალ ემბლემაზე „M“ და „1“ აღნიშვნა იმავე ზომაშია, თუმცა „3“-იანისა და „5“-იანის ზომა შედარებით დაპატარავებულია.

ამ თითქოსდა მინიმალური ცვლილებებით, ბევრ არამოყვარულს შესაძლოა ახალი M135, ლეგენდარულ M1 მოდელებში აერიოს და მისი შესაძლებლობების შესახებაც რეალობას მოკლებული წარმოდგენები შეექნას. „i“-ის ჩამოშორება კი იმაზეც მიუთითებს, რომ BMW ბენზინის ძრავებს მომდევნო თაობებში საბოლოოდ გამოემშვიდობება.

და რეალურად რა შესაძლებლობები აქვს BMW-ის ახალ „პირველ სერიას“? ამ შემთხვევაში არც „3“-იანისა და „5“-იანის სიმბოლოებმა უნდა შეგიყვანოთ შეცდომაში, რადგან მოდელს 3.5-ლიტრიანი ძრავა ნამდვილად არ აქვს. კაპოტის ქვეშ მხოლოდ 2-ლიტრიანი ტურბო ძრავა დაგხვდებათ, რომელიც 312 ცხენის ძალას გამოიმუშავებს. თუმცა ევროკავშირის მოქალაქეებს, რეგულაციებიდან გამომდინარე, მხოლოდ 296 ცხენის ძალით მოუწევთ დაკმაყოფილდნენ.

ახალ M135-ის 17 და 19-დუიმიანი ბორბლები მოჰყვება. მაბრუნი მომენტი 400 ნიუტონ/მეტრია, რაც საკმარისია 4.9 წამში 100 კილომეტრ/საათამდე განსავითარებლად. ბენზინზე მომუშავე ალტერნატივებს კი, 3-ცილინდრიანი, 1.5-ლიტრიანი ტურბინიანი ძრავა აქვთ, ხოლო დიზელის ვარიანტები 2-ლიტრიან ტურბო ძრავას წარმოგვიდგენს.

რაც შეეხება ინტერიერს, ამ შემთხვევაში მანქანის დიზაინი ძველი მოდელებისგან მნიშვნელოვნად განსხვავდება. 2025 წლის პირველ სერიას iDrive 9-ის საინფორმაციო გასართობი სისტემა აქვს - დამატებით, ორმაგი ეკრანით. ციფრული ინსტრუმენტების დაფა 10-დუიმიანი, ხოლო სენსორული ეკრანი 10.7-დუიმიანია. როგორც სხვა მოდელების შემთხვევაში, ამ მანქანაშიც ტრადიციული ღილაკები აღარ გვხვდება. ხარჯების შემცირების მიზნით, ამოღებულია iDrive-ის ტრადიციული მბრუნავი ღილაკიც.

ახალი „პირველი სერიის“ წარმოება გერმანიაში, კერძოდ კი ლაიფციგში მდებარე ქარხანაში დაიწყება. ევროპის ბაზრისთვის მოდელი ხელმისაწვდომი ოქტომბრიდან იქნება, ფასი კი ამ ეტაპისთვის უცნობია.

კომენტარები

    იყავით პირველი, ვინც დაწერს კომენტარს

    მსგავსი სიახლეები