Bugatti-ს მათე რიმაცი ჰიბრიდულ სუპერქარებს აკრიტიკებს და ოცნების მანქანას ასახელებს

Bugatti-ის ხელმძღვანელი მათე რიმაცი ერთ-ერთი ყველაზე ცნობილი ავტომოყვარულია. ცოტა ხნის წინ მიცემულ ინტერვიუში, რიმაცმა რამდენიმე საინტერესო საკითხზე ისაუბრა - მათ შორის ჰიბრიდულ ავტომობილებსა და თავის საოცნებო მანქანაზე.

როგორც ჩანს, რიმაცის სამომავლო ოცნების ავტოფარეხში BMW E30-ის სპეციალურად აღდგენილი დიზაინის მოდელი საპატიო ადგილს დაიკავებს. მაღალი სიმძლავრის E30-სადმი სიყვარული ახალი არაა. მისი კარიერა ძირითადად E30-ის საჭესთან დაიწყო. თუმცა მანამ, სანამ ეს მოხდება, რიმაცის Bugatti-ს რამდენიმე ვარიანტი აქვს შესასწავლი. ახლა კი, Bugatti-ს უახლეს მანქანაზე, Tourbillon-ზე საუბრობს. „შეხედეთ, რა სწრაფად ბრუნავს და მის ხმას მოუსმინეთ. V16 ძრავის ხმა არის ის, რასაც ელექტრომობილში ვერ გაიგებთ“, - განაცხადა რიმაცმა.

Tourbillon-ი 1800 ცხენის ძალას გამოიმუშავებს, რაც დიდწილად მისი ელექტროსისტემის დამსახურებაა. ტურბრავების დამატებას რიმაცი აზრს მოკლებულს უწოდებს, თანაც მაშინ, როდესაც ისეთ ბრენდებს აკრიტიკებს, როგორებიცაა Ferrari, Lamborghini და McLaren.

„თითოეული მათგანით მიმგზავრია. და მე ნამდვილად ვერ ვხვდები, რატომ უნდა გქონდეთ ჰიბრიდული ძრავა ტურბოძრავით? ტურბოძრავა თავისთავად კომპრომისია, არა? ტურბოდან ატმოსფერულზე გადასვლით, 600 ცხენის ძალა დავკარგეთ. ვიცოდი, რომ ელექტრო ძრავით ამის კომპენსირებას შევძლებდით. ამიტომაც, ელექტროძრავამ საშუალება მოგვცა, მასთან ერთად ძლიერი წვის ძრავა გამოგვეყენებინა“.

ინტერვიუდან, ყველაზე საინტერესო სიახლე კი შეიძლება ის იყოს, რა დეტალებსაც რიმაცი Tourbillon-ის მომავალ ვერსიებზე ავლენს. „ამ ჰიბრიდული ძრავით ბევრი რამის გაკეთება შეგიძლიათ“, - განუცხადა მან TG-ს. „თქვენ შეგიძლიათ შექმნათ ამ მოდელის ვერსია ჰიბრიდის გარეშე, ან მინიმიზებული, ან წინა ხიდის გარეშე“.

Tourbillon-დან ჰიბრიდული კომპონენტების ამოღება, მოდელს შეანელებს, თუმცა პოტენციურ მყიდველებს უფრო ნამდვილ და ხილულ გამოცდილებას შესთავაზებს. ასევე შესაძლებელია, რომ ეს გარკვეულწილად მანქანის მუშაობის ეფექტიანობასაც გააუმჯობესებს, თუ წონის შემცირება შესაძლებელი იქნება. რიმაცს ასევე სურს, რომ მფლობელის გამოცდილება ისეთივე მდიდრული გახადოს, როგორც თავად მის მიერ წარმოებული მანქანებია.

„შეხედეთ LaFerrari-ს, P1-ს და 918-ს - მფლობელებს აკუმულატორი უფუჭდებათ და და მისი შეცვლა ასობით ათასი დოლარი უჯდებათ. ჩვენ გვინდა დარწმუნდეთ, რომ Tourbillon-ის შემთხვევაში ეს არასდროს მოხდება. Bugatti უნდა იყოს სუპერ საიმედო მანქანა, რასაც მისი ღირებულებაც უზრუნველყოფს.

რიმაცი შეიძლება მხოლოდ 37 წლის იყოს, მაგრამ ცხადია, რომ მისი გავლენა ბრენდზე დიდხანს გაგრძელდება. ეს არც ისე ცუდია იმ ადამიანისთვის, ვინც E30 M3-ში V10 ძრავის ჩადებაზე ოცნებობს.