Tesla-ს ახალი ელექტრომობილი დებიუტისთვის ემზადება | როგორი იქნება ახალი Model Y?
მოგწონთ Tesla Model 3 Performance, თუმცა მის უფრო პრაქტიკულ ვერსიას ისურვებდით? თუ ასეა, მაშინ ეს მხოლოდ თქვენი სურვილი არაა და მალე, რეალობადაც იქცევა, რადგან Tesla-მ X-ზე ე.წ. „სპოილერი“ გამოაქვეყნა, რომელიც დიდი ალბათობით მომხმარებელს ახალ ელექტრომობილზე მიანიშნეს. ეს მოდელი კი, წესით, Model Y Performance იქნება.
Model Y Performance-ის დებიუტი მოულოდნელიც არ უნდა იყოს, რადგან მისი პროტოტიპი მიმდინარე წელს უკვე დააფიქსირეს. როგორც წინა სურათებიდანაც ჩანს, კროსოვერი პრაქტიკულად სტანდარტული კროსოვერის იდენტური იქნება. თუმცა საწარმოო ვერსიას შესაძლოა შედარებით სპორტული სტილის ბამპერები, განახლებული სპოილერი და მოდიფიცირებული დიფუზორი ექნება. ასევე შესაძლოა ახალ საბურავებსაც ველოდოთ, მასთან ერთად კი, მაღალი ხარისხის სამუხრუჭე სისტემას, წითელი კალიპერებით.
სპორტული სტილი უნდა გავრცელდეს ინტერიერშიც, მათ შორის სავარძლებისა და კარბონის დეტალების წყალობით. დიდი ალბათობით, სალონში მძღოლებს 15.4-ინჩიანი დისპლეი და 8-ინჩიანი სენსორული უკანა ეკრანიც დახვდებათ.
Spoiler alert pic.twitter.com/mEcYSAt2Gj
— Tesla Europe & Middle East (@teslaeurope) August 27, 2025
Model 3 Performance-ის მსგავსად, კროსოვერს, სავარაუდოდ, განახლებული ორძრავიანი სისტემა ექნება, რომელიც 510 ცხენის ძალას და 741 ნიუტონ მეტრს გამოიმუშავებს. ეს მანქანას 0-დან 100-მდე 2.9 წამში აჩქარების შესაძლებლობას აძლევს. ასევე შეგვიძლია ველოდოთ „შესრულებაზე ორიენტირებულ ძარას“ უნიკალური კომპონენტებით, რომლებიც ამცირებენ მასას და აუმჯობესებენ სიმყარეს. სხვა მახასიათებლებს შორის შეიძლება იყოს ადაპტირებადი ამორტიზატორები, მაღალი სიმტკიცის ფოლადის ზამბარები და უფრო მყარი საკიდრის სამაგრები.
ახალი მოდელის შესახებ ყველა დეტალს, სავარაუდოდ, უახლოეს დღეებში გავიგებთ. Model Y Performance თავდაპირველად ევროპისა და ახლო აღმოსავლეთის ბაზრებზე გამოვა. შემდგომ კი, ამერიკის შეერთებულ შტატებშიც და დაახლოებით $58 000 ეღირება.
