Toyota GR86-ს, რომელიც 4 თვე სადილეროში შესაკეთებლად იყო, გამოყვანიდან 12 საათში ცეცხლი გაუჩნდა
მსგავს პრობლემაზე სხვა მფლობელებიც ჩივიან.
Toyota-ს მძღოლმა სამხრეთ კალიფორნიაში ავტომობილს თავი ძლივს დააღწია, მას შემდეგ, რაც GR86-ს ცეცხლი გაუჩნდა.
ავტომობილის მფლობელი, რომელმაც პოსტი Instagram-ზე გამოაქვეყნა, ამტკიცებს, რომ GR86 სადილეროდან წინა დღეს დაიბრუნა, სადაც ავტომობილმა 4 დღე გაატარა.
„როგორც იცით, ეს ავტომობილი შესაკეთებლად სადილეროში ოთხი თვე მყავდა დატოვებული. გამოვიყვანე. მხოლოდ 12 საათი მყავდა. ჩემს ქუჩაზე გამოვედი და ცეცხლი გაუჩნდა“, - წერს Toyota-ს მფლობელი Instagram-ზე.
ხანძრის გაჩენის მიზეზი არ დაუსახელებიათ. არც ის, რის გამო დასჭირდა ავტომობილს 4-თვიანი შეკეთება. როგორც ავტომობილის მფლობელი კომენტარში წერს, ის სადილეროსთვის ჩივილს აპირებს.
ამ პოსტს Toyota ამერიკა გამოეხმაურა: „გამარჯობა, ჯოშ. გვსურს მომხდარზე გაგესაუბროთ. როცა შეძლებთ, პირად შეტყობინებაში მოგვმართეთ. მოუთმენლად ველით თქვენთან საუბარს“.
View this post on Instagram
„თუ ამდენად გადარდებთ, პირადი შეტყობინება თქვენ გამომიგზავნეთ ან პირისპირ დაკავშირება სცადეთ. ანდაც ჩემს ადვოკატს გაესაუბრეთ. ინფორმაცია NATSA-ს უკვე გადავეცი“, - უპასუხა ჯოშმა.
მსგავსი რამ შეემთხვა ბლეიქ ალვარესს არიზონაში. ამ დრომდე Toyota-ს უკან GR86 არ გაუწვევია.