Ferrari 360 Challenge Stradale პიკაპს დაეჯახა და Subaru Impreza-ზე შეაგდო

იშვიათი Ferrari-ს მფლობელი მელბურნში ავარიაში მოყვა და ეს ავარია ძალიან ძვირად დაუჯდება.

ძალიან ცოტა სუპერქარს თუ აქვს ისეთი ხმა და ქარიზმა, როგორიც Ferrari 360 Challenge Stradale-ს, რომელიც სარბოლო ტრასაზე ორიენტირებული ვერსიაა. ახლახან ავსტრალიაში ავარიაში ამ იშვიათი ავტომობილიდან ერთ-ერთი დაიმტვრა, როცა მძღოლმა კონტროლი დაკარგა და პიკაპს დაეჯახა.

წითელი Ferrari მელბურნის ერთ-ერთ ქუჩაზე გადაადგილდებოდა, როცა უცნობი მიზეზით მძღოლმა კონტროლი დაკარგა. მოცურდა და Nissan Navara-ს დაეჯახა, რომელიც საწინააღმდეგო მიმართულებით გადაადგილდებოდა. სიმაღლეში განსხვავებამ Ferrari ტრამპლინად აქცია. პიკაპი ჰაერში აიწია და Subaru Impreza-ს დაეცა.

საბედნიეროდ, ავარიაში არავინ დაშავებულა, მაგრამ Ferrari და Subaru განადგურებულია.

View this post on Instagram

A post shared by JACQUELINE FELGATE (@jacquifelgate)

Challenge Stradale 360 Modena-ს უფრო მსუბუქი და ძლიერი ვერსიაა. მისი 3.6-ლიტრიანი V8 ძრავა 419 ცხენის ძალას და 373ნმ-ს გამოიმუშავებს.

Ferrari-ს თითქმის მთელი კორპუსი დაზიანებული აქვს, თუმცა, ძრავა არ უნდა დაზიანებულიყო და, სავარაუდოდ, ავტომობილი აღდგენას ექვემდებარება. მის „ფეხზე დაყენებას“ კი ნამდვილად დიდი დრო დასჭირდება.