ეს ჩინური სედანი ნიურბურგრინგის ყველა სუპერქარზე სწრაფია | ვიდეო

ჩინური წარმოების ელექტრომობილები მწვერვალების დაპყრობას განაგრძობენ. ამის კიდევ ერთი დასტური Xiaomi SU7 Ultra-ს პროტოტიპია, რომელმაც მწვანე ჯოჯოხეთი სულ რაღაც 6 წუთსა და 22 წამში დაფარა - 24 წამით უფრო სწრაფად, ვიდრე გასულ წელს. ეს ნიშნავს, რომ ჩინეთიდან წარმოებული ელექტრო პროტოტიპი ნიურბურგრინგის ტრასაზე მოასპარეზე ნებისმიერ საწარმოო მანქანაზე - ბენზინზე მომუშავე თუ სხვა - უფრო სწრაფია.

ეს გასაკვირი ნამდვილად არაა, თუ ჩინური Xiaomi-ის შესაძლებლობებს გავიხსენებთ: ეს SU7 Ultra-ს პროტოტიპი სამძრავიანი კონფიგურაციით 1 548 ცხენის ძალას გამოიმუშავებს და 0-დან 100-მდე 1.98 წამში ჩქარდება. მაქსიმალურ სიჩქარეს კი ჩინური სედანი 350 კმ/სთ-ზე აღწევს. თუმცა რეალურად, ეს კონკრეტული მოდელი საწარმოო ვერსია არაა - მას ზედმეტი წონა მოხსნილი აქვს, უსაფრთხოებისთვის დამცავი უსაფრთხოების კარკასი აქვს და მაქსიმალური მოჭიდებისთვის სარბოლო სლიკებია გამოყენებული.

რაც ყველაზე მნიშვნელოვანია, Xiaomi-მ ამჯერად თავისივე რეკორდი გააუმჯობესა, რომელიც გასულ წელს დაამყარა. გუნდმა არა მხოლოდ წარმატებას მიაღწია, არამედ მრბოლელ დევიდ პიტარდისთ საჭესთან, წინა დრო თითქმის 24 წამით შეამცირა. შედარებისთვის, SU7 Ultra-ს პროტოტიპისთვის ეს რეკორდი 6:46.87 იყო. ხოლო Xiaomi SU7 Ultra-ს პროტოტიპმა ნიურბურგრინგის ტრასა 6:22.091 წამში დაფარა.

საერთო ჩამონათვალში, ჩინური სედანი ნიურბურგრინგის ტრასაზე მეოთხეა და მხოლოდ Porsche 919 Hybrid Evo-ს, Volkswagen ID.R-სა და Porsche 956-ს ჩამოუვარდება. თუმცა, 919 Hybrid Evo ლე მანსის სარბოლო მანქანა გახლდათ, რეკორდებისთვის მოდიფიცირებული, ხოლო Volkswagen ID.R-ი, ისევე როგორც Porsche 956, საჯარო გზებზე ლეგალური არ ყოფილა. შედეგად, მწვანე ჯოჯოხეთის ისტორიაში, საწარმოო სუპერქარებიდან ყველაზე სწრაფი სწორედ ჩინური სედანია.