ყველაზე სწრაფი მასობრივი ჰიპერქარი? | Koenigsegg-ის 1 625 ცხ.ძ-იანი მონსტრი უკვე რეკორდსმენია
Koenigsegg-ის ყველაზე რადიკალურმა ჰიპერმანქანამ, რომელიც ავტომწარმოებელმა სულ რამდენიმე კვირის წინ წარადგინა, რეკორდი უკვე დაამყარა. გასულ შაბათ-კვირას, გუდვუდის სიჩქარის ფესტივალზე, Koenigsegg-ის ჰიპერქარი ყველაზე სწრაფი გზებზე ლეგალური მასობრივი წარმოების ავტომობილი გახდა.
მან ტრასა მხოლოდ 47.14 წამში დაფარა და შედეგად, წინა რეკორდსმენ Czinger 21C-ს 1.68 წამით აჯობა. Czinger-მა რეკორდი გასულ წელს დაამყარა და ის Rimac Nevera-ს ჩამოართვა, რომელმაც ტრასა 2023 წელს 49.32 წამში გაიარა.
რეალურად, Sadair's Spear-ი Jesko Attack-ის კიდევ უფრო კომპლექსური ვერსიაა. მოდელი ანალოგიურ 5-ლიტრიან V8 ძრავს იყენებს, თუმცა 1 625 ცხენის ძალის გამომუშავება შეუძლია. ამასთან ერთად კი, ავტომობილი 35 კილოგრამით უფრო მსუბუქია და 1 320 კგ-ს იწონის. მოდელს Michelin Pilot Cup 2-ის სტანდარტული საბურავები უყენია, რომელთა წინა 275/35/20, ხოლო უკანა 335/30/21 ზომისაა.
View this post on Instagram
მოდელს გაუმჯობესებული აეროდინამიკაც გამოარჩევს, რაც დაბალი სიჩქარით მოძრაობისა და ძრავისა და გაგრილების სისტემებში ჰაერის ნაკადის გაუმჯობესებას უზრუნველყოფს. ეს ფუნქცია კი, როგორც ჩანს, ავტომობილმა გუდვუდის რბოლაში სრულად გამოიყენა.
Koenigsegg-ი თავის ახალ ჰიპერქარს მხოლოდ 30 ეგზემპლარად აწარმოებს. ავტომობილი პოტენციურ მომხმარებლებს დახურულ კარს მიღმა წარუდგინა და ძალიან მცირე დროშიც გაყიდა. შესაბამისად, ამ დროისთვის, მისი შეძენის შანსი აღარ არსებობს.
