ჩინურმა სუპერქარმა ელექტრომობილებში დრიფტის სიჩქარის რეკორდი დაამყარა
ჯეისონ იემ ელექტრო სუპერქარ Hyptec SSR-ით გინესის მსოფლიო რეკორდი დამყარა, როდესაც პეკინის საგზაო მოძრაობის საგამოცდო პოლიგონზე 213.5 კმ/სთ სიჩქარით დრიფტი მოახერხა.
Hyptec SSR სამძრავიანი სრული ამძრაობის სისტემითაა აღჭურვილი, რომელიც 1225 ცხენის ძალას და 1230 ნიუტონ-მეტრ მაბრუნ მომენტს გამომუშავებს. მწარმოებლის (GAC) ოფიციალური მონაცემებით, ავტომობილი 0-დან 100 კმ/სთ სიჩქარეს სულ რაღაც 1.9 წამში ავითარებს, ხოლო მისი მაქსიმალური სიჩქარე 251 კმ/სთ-ს შეადგენს.
View this post on Instagram
ასეთ კოლოსალურ სიჩქარეზე სარეკორდო დრიფტის შესრულება ბევრად მეტს მოითხოვს, ვიდრე უბრალოდ უზარმაზარ სიმძლავრეს. პროცესი მოითხოვს საბურავების მოჭიდების, საჭის მოხვევის კუთხის, ავტომობილის სტაბილურობისა და აქსელერატორის უმაღლესი სიზუსტით მართვის სრულყოფილ სინქრონიზაციას, რათა ავტომობილმა გვერდული სრიალი ასეთ მაღალ სიჩქარეზე კონტროლირებად მდგომარეობაში შეინარჩუნოს.
ეს რეკორდი აქამდე Zeekr 001 FR-ს ეკუთვნოდა, რომელმაც ის Porsche Taycan-ს ჩამოართვა — 2023 წლის ოქტომბერში, ჩინურმა ელექტრო ჰეჩბექმა (რომელიც 1265 ცხენის ძალას გამომუშავებს) დრიფტის დროს 207.99 კმ/სთ სიჩქარე დააფიქსირა და გინესის ოფიციალური რეკორდი დაამყარა.
