BMW M3 Touring-ი უკეთესი უნივერსალია, ვიდრე Alpina B3 Touring-ი?

BMW-ს პირველი M3 უნივერსალი Alpina-ს მესამე სერიას ბევრ ასპექტში უტოლდება.

ისტორიაში პირველად, BMW-მ M3-ის უნივერსალი, M3 Touring-ი, გამოუშვა. ჩნდება კითხვა: როგორ წარმოაჩენს ის თავს Alpina B3 Touring-თან კონკურენციაში?

გემოვნებაზე არ დავობენ, თუმცა, უნდა ითქვას, რომ Alpina უკეთესად გამოიყურება. მართალია, მას M3-ის აგრესიული დეტალები აკლია, მაგრამ ის კლასიკურად ლამაზია. პროპორციები უფრო დახვეწილია. უკეთესად გამოიყურება მაშუქები და ცხაურაც.

რაც შეეხება ციფრებს, B3 Touring-ს მსგავსი ძალა აქვს და უფრო იაფიც ღირს. Alpina-ს 461 ცხენის ძალა და 700ნმ აქვს. ის $14,621-ით იაფი ღირს, ვიდრე M3 Touring-ი ($121,843), რომელსაც 503 ცხენის ძალა და 650ნმ აქვს.

რაც შეეხება მართვადობას, M3 Touring-ი, B3-თან შედარებით, უფრო ხისტი და ზუსტია. მას აქვს ის, რასაც . „M-ის შეგრძნებას“ უწოდებენ. 1685-კილოგრამიანი ავტომობილი გზას სასიამოვნოდ უმკლავდება.

შეჯამებისთვის, თუ უფრო მდიდრულ და ხარისხიან ავტომობილს ეძებთ, მაშინ B3 უკეთესი არჩევანია. მაგრამ, თუ თქვენთვის დამატებითი ცხენის ძალები უფრო მნიშვნელოვანია, M3 იმედს არ გაგიცრუებთ.