გაყიდვები, ტოიოტა, ნისანი, ტოიოტა სუპრა, ნისან ზეტი, სპორტქარი
Aa
Aa

სპორტქარების ომში Nissan Z-მა Toyota Supra გაანადგურა

სპორტქარების სამყაროში Nissan Z და Toyota GR Supra ენთუზიასტთა არმიით არიან წარმოდგენილნი. თუმცა ამჯერად Nissan Z-მა თავისი მთავარი კონკურენტი, Toyota GR Supra შესამჩნევლად დაჯაბნა და გაყიდვების მაჩვენებლითაც მნიშვნელოვნად გადაასწრო. Nissan-ის კუპე წლევანდელ რბოლაში რეალური გამარჯვებულია.

მაგრამ სანამ ამ მაჩვენებლებზე გადავალთ, მოდით გავიხსენოთ, თუ როგორი მდგომარეობა გვქონდა ამ წლის დასაწყისში. 2024 წლის მონაცემებით, პირველი შემთხვევა დაფიქსირდა, როდესაც Z-მა Supra-ს გადაუსწრო, თუმცა ბრძოლა ამ ორ მოდელს შორის, საკმაოდ დაძაბული იყო.

2024 წელს აშშ-ში სულ 3 164 ერთეული Z გაიყიდა, ხოლო Supra – 2 615. თუმცა 2025 წლის ოქტომბრის თვესთან შედარებით, ეს სხვაობა მნიშვნელოვნად გაიზარდა. მაგალითად, Nissan-მა წლის პირველი ცხრა თვის განმავლობაში 4 822 ერთეული Z გაყიდა, რაც 2024 წლის იანვრიდან სექტემბრამდე გაყიდულ 2 175 ავტომობილზე 121.7%-ით მეტია. Toyota-მ კი წლის პირველ სამ კვარტალში მხოლოდ 2 009 ერთეული Supra დაარეგისტრირა, რაც 2024 წლის იანვარ-სექტემბრის მაჩვენებელთან შედარებით 13.7%-ით ნაკლებია.

რაში მდგომარეობს Nissan-ის საიდუმლო? - ამის ერთ-ერთი მიზეზი ავტომწარმოებლის მიერ შეთავაზებული დაბალი ფასია. საბაზისო Sport მოდელის ფასი მხოლოდ $42 970-ია, ხოლო Performance-ის ვერსია - თავისი Rays დისკებით, LSD-ით, Akebono-ს მუხრუჭებით, Bose hifi-ითა და ტყავის სალონით - $52 970 ღირს. ამის საპირისპიროდ, Toyota საბაზისო 3.0 Supra-ს $57 500-ად გვთავაზობს, Premium კლასზე გადასვლისას კი ფასი $60 650-მდე იზრდება.

Nissan-ის Nismo, ასევე უფრო ხელმისაწვდომია და უფრო გამორჩეულიც, ვიდრე მისი ანალოგი, MkV Final Edition Supra. აქვე უნდა გავიხსენოთ, რომ Supra-ს გაყიდვების გასაზრდელად სამი თვე აქვს, თუმცა ამის შემდგომ უკვე მისი ბედიც უცნობია. 2025 წლიდან მისი წარმოება შეჩერდება, თუმცა Toyota სავარაუდოდ, ამ მოდელის მემკვიდრის გამოშვებასაც გეგმავს.

 

კომენტარები

    იყავით პირველი, ვინც დაწერს კომენტარს

    მსგავსი სიახლეები

    ცხელი ამბები